ॐ सह ना-ववतु । सह नौ भुनक्तु । सह वीर्यं करवावहै । तेजस्विना-वधीत- मस्तु मा विद्विषावहै । ॐ शान्तिः शान्तिः शान्तिः ॥ ॐ क्षुरिकां संप्रवक्ष्यामि धारणां योगसिद्धये । यां प्राप्य न पुनर्जन्म योगयुक्तस्य जायते ॥ १ ॥ वेदतत्त्वार्थविहितं यथोक्तं हि स्वयंभुवा । निःशब्दं देशमास्थाय तत्रासनमवस्थितः ॥ २ ॥ कूर्मोङ्गानीव संहृत्य मनो हृदि निरुध्य च । मात्राद्वादशयोगेन प्रणवेन शनैः शनैः॥ ३ ॥ पूरयेत्सर्वमात्मानं सर्वद्वारं निरुध्य च । उरोमुखकटिग्रीवं किचिद्धृदयमुन्नतम् ॥ ४ ॥ प्राणान्संधारयेत्तस्मिन्नासाभ्यन्तरचरिणः । भूत्वा तत्र गतप्राणः शनैरथ समुत्सृजेत् ॥ ५ ॥ स्थिरमात्रादृढं कृत्वा अङ्गुष्ठेन समाहितः । द्वे गुल्फे तु प्रकुर्वीत जङ्घे चैव प्रयस्त्रयः ॥ ६ ॥ द्वे जानुनी तथोरुभ्यां गुदे शिश्ने त्रयस्त्रयः । वायोरायतनं चात्र नाभिदेशे समाश्रयेत् ॥ ७ ॥ तत्र नाडी सुषुम्ना तु नाडीभिर्बहुभिर्वृता । अणु रक्ताश्च पीताश्च कृष्णास्ताम्रा विलोहिताः ॥ ८ ॥ अतिसूक्ष्मां च तन्वीं च शुक्लां नाडीं समाश्रयेत् । तत्र संचारयेत्प्राणानूर्णनाभीव तन्तुना ॥ ९ ॥ ततो रक्तोत्पलाभासं पुरुषायतनं महत् । दहरं पुण्डरीकं तद्वेदान्तेषु निगद्यते ॥ १० ॥ तद्भित्त्वा कण्ठमायाति तां नाडीं पूरयन्यतः । मनसस्तु क्षुरं गृह्य सुतीक्ष्णं बुद्धिनिर्मलम् ॥ ११ ॥ पादस्योपरि यन्मध्ये तद्रूपं नाम कृन्तयेत् । मनोद्वारेण तीक्ष्णेन योगमाश्रित्य नित्यशः ॥ १२ ॥ इन्द्रवज्र इति प्रोक्तं मर्मजङ्घानुकीर्तनम् । तद्ध्यानबलयोगेन धारणाभिर्निकृन्तयेत् ॥ १३ ॥ ऊर्वोमध्ये तु संस्थाप्य मर्मप्राणविमोचनम् । चतुरभ्यासयोगेन छिन्देदनभिशङ्कितः ॥ १४ ॥ ततः कण्ठान्तरे योगी समूहन्नाडीसंचयम् । एकोत्तरं नाडिशतं तासां मध्ये वराः स्मृताः ॥ १५ ॥ सुषुम्ना तु परे लीना विरजा ब्रह्मरूपिणी इडा तिष्ठति वामेन पिङ्गला दक्षिणेन च ॥ १६ ॥ तयोर्मध्ये वरं स्थानं यस्तं वेद स वेदवित् । द्वासप्ततिसहस्राणि प्रतिनाडीषु तैतिलम् ॥ १७ ॥ छिद्यते ध्यानयोगेन सुषुम्नैका न छिद्यते । योगिनिर्मलधारेण क्षुरेणानलवर्चसा ॥ १८ ॥ छिन्देन्नाडीशतं धीरः प्रभावादिह जन्मनि । जातीपुष्पसमायोगैर्यथा वास्यति वै तिलम् ॥ १९ ॥ एवं शुभाशुभैर्भावैः सा नाडीति विभावयेत् । तद्भाविताः प्रपद्यन्ते पुनर्जन्मविवर्जिताः ॥ २० ॥ तपोविजितचित्तस्तु निःशब्दं देशमास्थितः । निःसङ्गतत्त्योगज्ञो निरपेक्षः शनैः शनैः ॥ २१ ॥ पाशं छित्त्वा यथा हंसो निर्विशङ्कं खमुत्क्रमेत् । छिन्नपाशस्तथा जीवः संसारं तरते सदा ॥ २२ ॥ यथा निर्वाणकाले तु दीपो दग्ध्वा लयं व्रजेत् । तथा सर्वाणि कर्माणि योगि दग्ध्वा लयं व्रजेत् ॥ २३ ॥ प्राणायामसुतीक्ष्णेन मात्राधारेण योगवित् । वैराग्योपलघृष्टेन छित्वा तं तु न बध्यते ॥ २४ ॥ अमृतत्वं समाप्नोति यदा कामात्स मुच्यते । सर्वैषणाविनिर्मुक्तश्छित्त्वा तं तु न बध्यत इत्युपनिषत् ॥ ॐ सह ना-ववतु । सह नौ भुनक्तु । सह वीर्यं करवावहै । तेजस्विना-वधीत- मस्तु मा विद्विषावहै । ॐ शान्तिः शान्तिः शान्तिः ॥ इत्यथर्ववेदे क्षुरिकोपनिषत्समाप्ता ॥
Om ! May He protect us both together; may He nourish us both together; May we work conjointly with great energy, May our study be vigorous and effective; May we not mutually dispute (or may we not hate any). Om ! Let there be Peace in me ! Let there be Peace in my environment ! Let there be Peace in the forces that act on me ! Kshurika means knife. This Upanishad shows us the way to cut the attachment with this world using the knife called wisdom and shows us the way to salvation. It is called “Kshurikopanishad.” I am relating to you the Kshurikopanishad. Using which we can attain awakening through Yoga and reach the birthless state. 1 (Slokas 2-9 are not available.) Using the mind with very sharp wisdom as knife, you have to meditate on the secret place called “prabhada” which is above the feet and cut it and go above. 10 Using the path of a sharp mind you have to practice yoga relentlessly and have to reach out the secret place called “Indra Vajram” which is in a place above the knees and separate it out using meditation and Yoga. 11 Then you have to release the life power which is in between the union of thighs. Practicing skilful yoga you should separate it out and go upward. 12 Then you have to attain the group of nadis (nerves) near the neck and realize the 101 Nadis there and identify the best three Nadis. You have to identify the Ida Nadi which is the protector on the left side, the pingala Nadi on the right side and understand the proper position of Sushumna Nadi. The one who identifies this is the only one who understand the secrets of Vedas. 13-14 Sushumna Nadi is the one which makes you merge with the ultimate reality (Brahman) and is one without any deficiencies and is of the form of Brahmam. In each of the 72000 Nadis, there is a material which is like oil. This is taken out of it by meditation. Only in case of Sushumna Nadi, it is not possible to separate this oily material out of it. 15 Similar to the fact that oil gets the fragrance of jasmine flower when it joins with it, this Nadi gets the smell of the good or bad deed done by a person. So you have to meditate on this Nadi. 16 Then this person who has won over his mental senses should sit in a place without any sound and become detached, realize the philosophy of yoga, become one with no desires and should withdraw within himself like the lamps getting off one by one when they are lit together. 17-21 The one who realizes yoga through intense practice of pranayama and meditation on Om cuts off the bonds of family life using the very sharp mind which has been sharpened using an efficient sharpener of renunciation and gets freedom from all bondage. 22 The one who gets freedom from desires reaches the deathless state. The one who gets freedom from all desires by cutting off all desires and affection becomes devoid of all bonds. 23 Om ! May He protect us both together; may He nourish us both together; May we work conjointly with great energy, May our study be vigorous and effective; May we not mutually dispute (or may we not hate any). Om ! Let there be Peace in me ! Let there be Peace in my environment ! Let there be Peace in the forces that act on me ! Here ends the Kshurikopanishad belonging to the Krishna-Yajur-Veda.
oṃ saha nā-vavatu । saha nau bhunaktu । saha vīryaṃ karavāvahai । tejasvinā-vadhīta- mastu mā vidviṣāvahai । oṃ śāntiḥ śāntiḥ śāntiḥ ॥ oṃ kṣurikāṃ saṃpravakṣyāmi dhāraṇāṃ yogasiddhaye । yāṃ prāpya na punarjanma yogayuktasya jāyate ॥ 1 ॥ vedatattvārthavihitaṃ yathoktaṃ hi svayaṃbhuvā । niḥśabdaṃ deśamāsthāya tatrāsanamavasthitaḥ ॥ 2 ॥ kūrmoṅgānīva saṃhṛtya mano hṛdi nirudhya ca । mātrādvādaśayogena praṇavena śanaiḥ śanaiḥ॥ 3 ॥ pūrayetsarvamātmānaṃ sarvadvāraṃ nirudhya ca । uromukhakaṭigrīvaṃ kiciddhṛdayamunnatam ॥ 4 ॥ prāṇānsaṃdhārayettasminnāsābhyantaracariṇaḥ । bhūtvā tatra gataprāṇaḥ śanairatha samutsṛjet ॥ 5 ॥ sthiramātrādṛḍhaṃ kṛtvā aṅguṣṭhena samāhitaḥ । dve gulphe tu prakurvīta jaṅghe caiva prayastrayaḥ ॥ 6 ॥ dve jānunī tathorubhyāṃ gude śiśne trayastrayaḥ । vāyorāyatanaṃ cātra nābhideśe samāśrayet ॥ 7 ॥ tatra nāḍī suṣumnā tu nāḍībhirbahubhirvṛtā । aṇu raktāśca pītāśca kṛṣṇāstāmrā vilohitāḥ ॥ 8 ॥ atisūkṣmāṃ ca tanvīṃ ca śuklāṃ nāḍīṃ samāśrayet । tatra saṃcārayetprāṇānūrṇanābhīva tantunā ॥ 9 ॥ tato raktotpalābhāsaṃ puruṣāyatanaṃ mahat । daharaṃ puṇḍarīkaṃ tadvedānteṣu nigadyate ॥ 10 ॥ tadbhittvā kaṇṭhamāyāti tāṃ nāḍīṃ pūrayanyataḥ । manasastu kṣuraṃ gṛhya sutīkṣṇaṃ buddhinirmalam ॥ 11 ॥ pādasyopari yanmadhye tadrūpaṃ nāma kṛntayet । manodvāreṇa tīkṣṇena yogamāśritya nityaśaḥ ॥ 12 ॥ indravajra iti proktaṃ marmajaṅghānukīrtanam । taddhyānabalayogena dhāraṇābhirnikṛntayet ॥ 13 ॥ ūrvomadhye tu saṃsthāpya marmaprāṇavimocanam । caturabhyāsayogena chindedanabhiśaṅkitaḥ ॥ 14 ॥ tataḥ kaṇṭhāntare yogī samūhannāḍīsaṃcayam । ekottaraṃ nāḍiśataṃ tāsāṃ madhye varāḥ smṛtāḥ ॥ 15 ॥ suṣumnā tu pare līnā virajā brahmarūpiṇī iḍā tiṣṭhati vāmena piṅgalā dakṣiṇena ca ॥ 16 ॥ tayormadhye varaṃ sthānaṃ yastaṃ veda sa vedavit । dvāsaptatisahasrāṇi pratināḍīṣu taitilam ॥ 17 ॥ chidyate dhyānayogena suṣumnaikā na chidyate । yoginirmaladhāreṇa kṣureṇānalavarcasā ॥ 18 ॥ chindennāḍīśataṃ dhīraḥ prabhāvādiha janmani । jātīpuṣpasamāyogairyathā vāsyati vai tilam ॥ 19 ॥ evaṃ śubhāśubhairbhāvaiḥ sā nāḍīti vibhāvayet । tadbhāvitāḥ prapadyante punarjanmavivarjitāḥ ॥ 20 ॥ tapovijitacittastu niḥśabdaṃ deśamāsthitaḥ । niḥsaṅgatattyogajño nirapekṣaḥ śanaiḥ śanaiḥ ॥ 21 ॥ pāśaṃ chittvā yathā haṃso nirviśaṅkaṃ khamutkramet । chinnapāśastathā jīvaḥ saṃsāraṃ tarate sadā ॥ 22 ॥ yathā nirvāṇakāle tu dīpo dagdhvā layaṃ vrajet । tathā sarvāṇi karmāṇi yogi dagdhvā layaṃ vrajet ॥ 23 ॥ prāṇāyāmasutīkṣṇena mātrādhāreṇa yogavit । vairāgyopalaghṛṣṭena chitvā taṃ tu na badhyate ॥ 24 ॥ amṛtatvaṃ samāpnoti yadā kāmātsa mucyate । sarvaiṣaṇāvinirmuktaśchittvā taṃ tu na badhyata ityupaniṣat ॥ oṃ saha nā-vavatu । saha nau bhunaktu । saha vīryaṃ karavāvahai । tejasvinā-vadhīta- mastu mā vidviṣāvahai । oṃ śāntiḥ śāntiḥ śāntiḥ ॥ ityatharvavede kṣurikopaniṣatsamāptā ॥