यद्ब्रह्म रुद्रहृदयमहाविद्याप्रकाशितम् । तद्ब्रह्ममात्रावस्थानपदवीमधुना भजे ॥ ॐ सह नाववतु ॥ सह नौ भुनक्तु ॥ सह वीर्यं करवावहै ॥ तेजस्विनावधीतमस्तु मा विद्विषावहै ॥ ॐ शान्तिः शान्तिः शान्तिः ॥ हरिः ॐ ॥ हृदयं कुण्डली भस्मरुद्राक्षगणदर्शनम् । तारसारं महावाक्यं पञ्चब्रह्माग्निहोत्रकम् ॥ १॥ प्रणम्य शिरसा पादौ शुको व्यासमुवाच ह । को देवः सर्वदेवेषु कस्मिन्देवाश्च सर्वशः ॥ २॥ कस्य शुश्रूषणान्नित्यं प्रीता देवा भवन्ति मे । तस्य तद्वचनं श्रुत्वा प्रत्युवाच पिता शुकम् ॥ ३॥ सर्वदेवात्मको रुद्रः सर्वे देवाः शिवात्मकाः । रुद्रस्य दक्षिणे पार्श्वे रविर्ब्रह्मा त्रयोऽग्नयः ॥ ४॥ वामपार्श्वे उमा देवी विष्णुः सोमोऽपि ते त्रयः । या उमा सा स्वयं विष्णुर्यो विष्णुः स हि चन्द्रमाः ॥ ५॥ ये नमस्यन्ति गोविन्दं ते नमस्यन्ति शङ्करम् । येऽर्चयन्ति हरिं भक्त्या तेऽर्चयन्ति वृषध्वजम् ॥ ६॥ ये द्विषन्ति विरूपाक्षं ते द्विषन्ति जनार्दनम् । ये रुद्रं नाभिजानन्ति ते न जानन्ति केशवम् ॥ ७॥ रुद्रात्प्रवर्तते बीजं बीजयोनिर्जनार्दनः । यो रुद्रः स स्वयं ब्रह्मा यो ब्रह्मा स हुताशनः ॥ ८॥ ब्रह्मविष्णुमयो रुद्र अग्नीषोमात्कं जगत् । पुंलिङ्गं सर्वमीशानं स्त्रीलिङ्गं भगवत्युमा ॥ ९॥ उमारुद्रात्मिकाः सर्वाः ग्रजाः स्थावरजङ्गमाः । व्यक्तं सर्वमुमारूपमव्यक्तं तु महेश्वरम् ॥ १०॥ उमा शङ्करयोगो यः स योगो विष्णुरुच्यते । यस्तु तस्मै नमस्कारं कुर्याद्भक्तिसमन्वितः ॥ ११॥ आत्मानं परमात्मानमन्तरात्मानमेव च । ज्ञात्वा त्रिविधमात्मानं परमात्मानमाश्रयेत् ॥ १२॥ अन्तरात्मा भवेद्ब्रह्मा परमात्मा महेश्वरः । सर्वेषामेव भूतानां विष्णुरात्मा सनातनः ॥ १३॥ अस्य त्रैलोक्यवृक्षस्य भूमौ विटपशाखिनः । अग्रं मध्यं तथा मूलं विष्णुब्रह्ममहेश्वराः ॥ १४॥ कार्यं विष्णुः क्रिया ब्रह्मा कारणं तु महेश्वरः । प्रयोजनार्थं रुद्रेण मूर्तिरेका त्रिधा कृता ॥ १५॥ धर्मो रुद्रो जगद्विष्णुः सर्वज्ञानं पितामहः । श्रीरुद्र रुद्र रुद्रेति यस्तं ब्रूयाद्विचक्षणः ॥ १६॥ कीर्तनात्सर्वदेवस्य सर्वपापैः प्रमुच्यते । रुद्रो नर उमा नारी तस्मै तस्यै नमो नमः ॥ १७॥ रुद्रो ब्रह्मा उमा वाणी तस्मै तस्यै नमो नमः । रुद्रो विष्णुरुमा लक्ष्मीस्तस्मै तस्यै नमो नमः ॥ १८॥ रुद्रः सूर्य उमा छाया तस्मै तस्यै नमो नमः । रुद्रः सोम उमा तारा तस्मै तस्यै नमो नमः ॥ १९॥ रुद्रो दिवा उमा रात्रिस्तस्मै तस्यै नमो नमः । रुद्रो यज्ञ उमा वेदिस्तस्मै तस्यै नमो नमः ॥ २०॥ रुद्रो वह्निरुमा स्वाहा तस्मै तस्यै नमो नमः । रुद्रो वेद उमा शास्तं तस्मै तस्यै नमो नमः ॥ २१॥ रुद्रो वृक्ष उमा वल्ली तस्मै तस्यै नमो नमः । रुद्रो गन्ध उमा पुष्पं तस्मै तस्यै नमो नमः ॥ २२॥ रुद्रोऽर्थ अक्षरः सोमा तस्मै तस्यै नमो नमः । रुद्रो लिङ्गमुमा पीठं तस्मै तस्यै नमो नमः ॥ २३॥ सर्वदेवात्मकं रुद्रं नमस्कुर्यात्पृथक्पृथक् । एभिर्मन्त्रपदैरेव नमस्यामीशपार्वती ॥ २४॥ यत्र यत्र भवेत्सार्धमिमं मन्त्रमुदीरयेत् । ब्रह्महा जलमध्ये तु सर्वपापैः प्रमुच्यते ॥ २५॥ सर्वाधिष्ठानमद्वन्द्वं परं ब्रह्म सनातनम् । सच्चिदानन्दरूपं तदवाङ्मनसगोचरम् ॥ २६॥ तस्मिन्सुविदिते सर्वं विज्ञातं स्यादिदं शुक । तदात्मकत्वात्सर्वस्य तस्माद्भिन्नं नहि क्वचित् ॥ २७॥ द्वे विद्ये वेदितव्ये हि परा चैवापरा च ते । तत्रापरा तु विद्यैषा ऋग्वेदो यजुरेव च ॥ २८॥ सामवेदस्तथाथर्ववेदः शिक्षा मुनीश्वर । कल्पो व्याकरणं चैव निरुक्तं छन्द एव च ॥ २९॥ ज्योतिषं च यथा नात्मविषया अपि बुद्धयः । अथैषा परमा विद्या ययात्मा परमाक्षरम् ॥ ३०॥ यत्तदद्रेश्यमग्राह्यमगोत्रं रूपवर्जितम् । अचक्षुःश्रोत्रमत्यर्थं तदपाणिपदं तथा ॥ ३१॥ नित्यं विभुं सर्वगतं सुसूक्ष्मं च तदव्ययम् । तद्भूतयोनिं पश्यन्ति धीरा आत्मानमात्मनि ॥ ३२॥ यः सर्वज्ञः सर्वविद्यो यस्य ज्ञानमयं तपः । तस्मादत्रान्नरूपेण जायते जगदावलिः ॥ ३३॥ सत्यवद्भाति तत्सर्वं रज्जुसर्पवदास्थितम् । तदेतदक्षरं सत्यं तद्विज्ञाय विमुच्यते ॥ ३४॥ ज्ञानेनैव हि संसारविनाशो नैव कर्मणा । श्रोत्रियं ब्रह्मनिष्ठं स्वगुरुं गच्छेद्यथाविधि ॥ ३५॥ गुरुस्तस्मै परां विद्यां दद्याद्ब्रह्मात्मबोधिनीम् । गुहायां निहितं साक्षादक्षरं वेद चेन्नरः ॥ ३६॥ छित्वाऽविद्यामहाग्रन्थिं शिवं गच्छेत्सनातनम् । तदेतदमृतं सत्यं तद्बोद्धव्यं मुमुक्षिभिः ॥ ३७॥ धनुस्तारं शरो ह्यात्मा ब्रह्म तल्लक्ष्यमुच्यते । अप्रमत्तेन वेद्धव्यं शरवत्तन्मयो भवेत् ॥ ३८॥ लक्ष्यं सर्वगतं चैव शरः सर्वगतो मुखः । वेद्धा सर्वगतश्चैव शिवलक्ष्यं न संशयः ॥ ३९॥ न तत्र चन्द्रार्कवपुः प्रकाशते न वान्ति वाताः सकला देवताश्च । स एष देवः कृतभावभूतः स्वयं विशुद्धो विरजः प्रकाशते ॥ ४०॥ द्वौ सुपर्णौ शरीरेऽस्मिञ्जीवेशाक्ष्यौ सह स्थितौ । तयोर्जीवः फलं भुङ्क्ते कर्मणो न महेश्वरः ॥ ४१॥ केवलं साक्षिरूपेण विना भोगं महेश्वरः । प्रकाशते स्वयं भेदः कल्पितो मायया तयोः ॥ ४२॥ घटाकाशमठाकाशौ यथाकाशप्रभेदतः । कल्पितौ परमौ जीवशिवरूपेण कल्पितौ ॥ ४३॥ तत्त्वतश्च शिवः साक्षाच्चिज्जीवश्च स्वतः सदा । चिच्चिदाकारतो भिन्ना न भिन्ना चित्त्वहानितः ॥ ४४॥ चितश्चिन्न चिदाकारद्भिद्यते जडरूपतः । भिद्यते चेज्जडो भेदश्चिदेका सर्वदा खलु ॥ ४५॥ तर्कतश्च प्रमाणाच्च चिदेकत्वव्यवस्थितेः । चिदेकत्वपरिज्ञाने न शोचति न मुह्यति ॥ ४६॥ अद्वैतं परमानन्दं शिवं याति तु कैवलम् ॥ ४७॥ अधिष्ठानं समस्तस्य जगतः सत्यचिद्घनम् । अहमस्मीति निश्चित्य वीतशोको भवेन्मुनिः ॥ ४८॥ स्वशरीरे स्वयं ज्योतिःस्वरूपं सर्वसाक्षिणम् । क्षीणदोषाः प्रपश्यन्ति नेतरे माययावृताः ॥ ४९॥ एवं रूपपरिज्ञानं यस्यास्ति परयोगिनः । कुत्रचिद्गमनं नास्ति तस्य पूर्णस्वरूपिणः ॥ ५०॥ आकाशमेकं संपूर्णं कुत्रचिन्नैव गच्छति । तद्वत्स्वात्मपरिज्ञानी कुत्रचिन्नैव गच्छति ॥ ५१॥ स यो ह वै तत्परमं ब्रह्म यो वेद वै मुनिः । ब्रह्मैव भवति स्वस्थः सच्चिदानन्द मातृकः ॥ ५२॥ इत्युपनिषत् ॥ ॐ सह नाववतु ॥ सह नौ भुनक्तु ॥ सह वीर्यं करवावहै ॥ तेजस्विनावधीतमस्तु मा विद्विषावहै ॥ ॐ शान्तिः शान्तिः शान्तिः ॥ इति रुद्रहृदयोपनिषत्समाप्ता ॥
Om ! May He protect us both together; may He nourish us both together; May we work conjointly with great energy, May our study be vigorous and effective; May we not mutually dispute (or may we not hate any). Om ! Let there be Peace in me ! Let there be Peace in my environment ! Let there be Peace in the forces that act on me ! Now, at this moment, I take refuge in that Pure State of the Supreme Absolute which can be known by the Vidya, called the Rudra Hridaya Upanishad. After prostrating before the celebrated form of Sri Mahadeva-Rudra in his heart, adoring the sacred Bhasma and Rudraksha and mentally reciting the great Mahavakya-Mantra, Tarasara, Sri Suka asked his father Sri Vyasa Maharshi, thus: Who is the real God of gods? In whom are all these existences established? By worshipping whom, can I please the Devas in whole? Hearing these words, Sri Veda Vyasa replied thus: Rudra is the embodiment of all Devas. All devas are merely different manifestations of Sri Rudra Himself. On the right side of Rudra, there is the sun, then the four-headed Brahma, and then three Agnis (fires). On the left side, there exist Sri Umadevi, and also Vishnu and Soma (moon). Uma Herself is the form of Vishnu. Vishnu Himself is the form of the moon. Therefore, those who worship Lord Vishnu, worship Siva Himself. And those who worship Siva, worship Lord Vishnu in reality. Those who envy and hate Sri Rudra, are actually hating Sri Vishnu. Those who decry Lord Siva, decry Vishnu Himself. Rudra is the generator of the seed. Vishnu is the embryo of the seed. Siva Himself is Brahma and Brahma Himself is Agni. Rudra is full of Brahma and Vishnu. The whole world is full of Agni and Soma. The masculine gender is Lord Siva. The feminine gender is Sri Bhavani Devi. All the mobile and immobile creation of this universe, is filled up with Uma and Rudra. The Vyakta is Sri Uma, and the Avyakta is Lord Siva. The combination of Uma and Sankara is Vishnu. Hence everybody should prostrate to Sri Maha Vishnu with great devotion. He is the Atman. He is the Paramatman. He is the Antaratman. Brahma is the Antaratman. Siva is the Paramatman. Vishnu is the Eternal Atman of all this universe. This whole creation of Svarga, Martya and Patala Lokas is a big tree. Vishnu is the top portion (branches) of this tree. Brahma is the stem. The root is Lord Siva. The effect is Vishnu. The action is Brahma. The cause is Siva. For the benefit of the worlds. Rudra has taken these three forms. Rudra is Dharma. Vishnu is the world. Brahma is Knowledge. Therefore, do Kirtan of His name, ‘Rudra’, ‘Rudra’. By singing like this, the hallowed name of this great Lord, all your sins will be destroyed. Rudra is man. Uma is woman. Prostrations to Him and Her. Rudra is Brahma. Uma is Sarasvati. Prostrations to Him and Her. Rudra is Vishnu. Uma is Lakshmi. Prostrations to Him and Her. Rudra is Sun. Uma is shadow. Prostrations to Him and Her. Rudra is moon. Uma is star. Prostrations to Him and Her. Rudra is day. Uma is night. Prostrations to Him and Her. Rudra is Yajna. Uma is Vedi. Prostrations to Him and Her. Rudra is Agni, Uma is Svaha. Prostrations to Him and Her. Rudra is Veda. Uma is Sastra. Prostrations to Him and Her. Rudra is tree. Uma is creeper. Prostrations to Him and Her. Rudra is scent. Uma is flower. Prostrations to Him and Her. Rudra is meaning. Uma is word. Prostrations to Him and Her. Rudra is Linga. Uma is Pitha. Prostrations to Him and Her. The devotee should worship Sri Rudra and Uma with these Mantras referred to above. O my son, Suka! With these hymns, you should meditate on the Eternal Para-Brahman, which is beyond the reach of the senses, which is pure Existence, knowledge and Bliss and which cannot be understood either by the speech or by the mind. After knowing this, there is nothing more to be known, because everything is the form of That, and there is nothing separate from That. There are two Vidyas to be known. They are Para and Apara. Apara Vidya is the embodiment of the four Vedas and their six Angas. They do not deal with the Nature of the Atman. But the Para Vidya is called the Moksha-Sastra. It deals with that supreme philosophy of the Absolute Truth, ununderstandable, impersonal, Nirguna, Nirakara, without ears, without eyes, without hands, without feet, eternal, omnipresent, imperishable, and knowable by the intelligent daring sages. From that Lord Siva who performs a terrible penance in the form of Supreme Jnana-Marga, this whole world is created which is the food of the mortals. This world is Maya. It seems to appear just like a dream. It is superimposed on the Lord just like a rope on a serpent. This is the eternal Truth. There is no creation in reality. All is absolute. All is Truth. Knowing this, one is liberated at once. Only through Jnana, you can get rid of this Samsara. Only through Jnana, you can understand this existence and never through Karma. Understand this through the guidance of a Brahmanishtha-Srotriya Guru. The Guru will give the disciple all the necessary knowledge of Brahman, the Absolute. By cutting off the bondage of Ajnana or Avidya, one should take refuge in Lord Sadasiva. This is the real wisdom to be understood by an aspirant seeking after Truth. The Pranava is the bow. The Atman is the arrow. The Para-Brahman is the target. Just like the arrow, the Atman will become one with Brahman. But all these three, the bow, the arrow and the target are not different from that Sadasiva. There do not shine the bodies of the sun, moon or the stars. There does not blow the wind, there do not exist many Devatas. He, the One Lord only exists. He only, the Purity of purities, shines for ever and ever. There are two birds in this body, the Jiva and the Paramatman. The Jiva eats the fruit of his Karmas, but the Paramatman is untouched by anything. The Paramatman is only the Sakshi. He does not do anything. He only assumes the form of the Jiva through His Maya, just as the Akasa inside a pot seems to be different from the Akasa outside and assumes the form of the pot. In reality all is Siva, Advaita, the One Absolute. There is no difference of whatever kind. When all is understood to be One, Omkara, the Absolute, there is no sorrow, there is no Maya. Then the attainment of the Advaita-Paramananda is very easy. Think that you are the basis of all this universe, you are the One, Kevala, Sat-Chit-Ghana. All people cannot understand this Truth. Those devoid of Maya can know this secret. After knowing this, the Atman does not move towards any place at any time. It becomes one with the Absolute, just like Ghatakasa with Paramakasa. Just as Akasa does not move anywhere, similarly this Atman does not have any movement. It becomes one with OM. One who knows this great secret Truth is the real Muni. He becomes the Para-Brahman Itself. He becomes Satchidananda. He attains permanent peace. Om ! May He protect us both together; may He nourish us both together; May we work conjointly with great energy, May our study be vigorous and effective; May we not mutually dispute (or may we not hate any). Om ! Let there be Peace in me ! Let there be Peace in my environment ! Let there be Peace in the forces that act on me ! Here ends the Rudra-Hridayopanishad belonging to the Krishna-Yajur-Veda.
yadbrahma rudrahṛdayamahāvidyāprakāśitam । tadbrahmamātrāvasthānapadavīmadhunā bhaje ॥ oṃ saha nāvavatu ॥ saha nau bhunaktu ॥ saha vīryaṃ karavāvahai ॥ tejasvināvadhītamastu mā vidviṣāvahai ॥ oṃ śāntiḥ śāntiḥ śāntiḥ ॥ hariḥ oṃ ॥ hṛdayaṃ kuṇḍalī bhasmarudrākṣagaṇadarśanam । tārasāraṃ mahāvākyaṃ pañcabrahmāgnihotrakam ॥ 1॥ praṇamya śirasā pādau śuko vyāsamuvāca ha । ko devaḥ sarvadeveṣu kasmindevāśca sarvaśaḥ ॥ 2॥ kasya śuśrūṣaṇānnityaṃ prītā devā bhavanti me । tasya tadvacanaṃ śrutvā pratyuvāca pitā śukam ॥ 3॥ sarvadevātmako rudraḥ sarve devāḥ śivātmakāḥ । rudrasya dakṣiṇe pārśve ravirbrahmā trayo'gnayaḥ ॥ 4॥ vāmapārśve umā devī viṣṇuḥ somo'pi te trayaḥ । yā umā sā svayaṃ viṣṇuryo viṣṇuḥ sa hi candramāḥ ॥ 5॥ ye namasyanti govindaṃ te namasyanti śaṅkaram । ye'rcayanti hariṃ bhaktyā te'rcayanti vṛṣadhvajam ॥ 6॥ ye dviṣanti virūpākṣaṃ te dviṣanti janārdanam । ye rudraṃ nābhijānanti te na jānanti keśavam ॥ 7॥ rudrātpravartate bījaṃ bījayonirjanārdanaḥ । yo rudraḥ sa svayaṃ brahmā yo brahmā sa hutāśanaḥ ॥ 8॥ brahmaviṣṇumayo rudra agnīṣomātkaṃ jagat । puṃliṅgaṃ sarvamīśānaṃ strīliṅgaṃ bhagavatyumā ॥ 9॥ umārudrātmikāḥ sarvāḥ grajāḥ sthāvarajaṅgamāḥ । vyaktaṃ sarvamumārūpamavyaktaṃ tu maheśvaram ॥ 10॥ umā śaṅkarayogo yaḥ sa yogo viṣṇurucyate । yastu tasmai namaskāraṃ kuryādbhaktisamanvitaḥ ॥ 11॥ ātmānaṃ paramātmānamantarātmānameva ca । jñātvā trividhamātmānaṃ paramātmānamāśrayet ॥ 12॥ antarātmā bhavedbrahmā paramātmā maheśvaraḥ । sarveṣāmeva bhūtānāṃ viṣṇurātmā sanātanaḥ ॥ 13॥ asya trailokyavṛkṣasya bhūmau viṭapaśākhinaḥ । agraṃ madhyaṃ tathā mūlaṃ viṣṇubrahmamaheśvarāḥ ॥ 14॥ kāryaṃ viṣṇuḥ kriyā brahmā kāraṇaṃ tu maheśvaraḥ । prayojanārthaṃ rudreṇa mūrtirekā tridhā kṛtā ॥ 15॥ dharmo rudro jagadviṣṇuḥ sarvajñānaṃ pitāmahaḥ । śrīrudra rudra rudreti yastaṃ brūyādvicakṣaṇaḥ ॥ 16॥ kīrtanātsarvadevasya sarvapāpaiḥ pramucyate । rudro nara umā nārī tasmai tasyai namo namaḥ ॥ 17॥ rudro brahmā umā vāṇī tasmai tasyai namo namaḥ । rudro viṣṇurumā lakṣmīstasmai tasyai namo namaḥ ॥ 18॥ rudraḥ sūrya umā chāyā tasmai tasyai namo namaḥ । rudraḥ soma umā tārā tasmai tasyai namo namaḥ ॥ 19॥ rudro divā umā rātristasmai tasyai namo namaḥ । rudro yajña umā vedistasmai tasyai namo namaḥ ॥ 20॥ rudro vahnirumā svāhā tasmai tasyai namo namaḥ । rudro veda umā śāstaṃ tasmai tasyai namo namaḥ ॥ 21॥ rudro vṛkṣa umā vallī tasmai tasyai namo namaḥ । rudro gandha umā puṣpaṃ tasmai tasyai namo namaḥ ॥ 22॥ rudro'rtha akṣaraḥ somā tasmai tasyai namo namaḥ । rudro liṅgamumā pīṭhaṃ tasmai tasyai namo namaḥ ॥ 23॥ sarvadevātmakaṃ rudraṃ namaskuryātpṛthakpṛthak । ebhirmantrapadaireva namasyāmīśapārvatī ॥ 24॥ yatra yatra bhavetsārdhamimaṃ mantramudīrayet । brahmahā jalamadhye tu sarvapāpaiḥ pramucyate ॥ 25॥ sarvādhiṣṭhānamadvandvaṃ paraṃ brahma sanātanam । saccidānandarūpaṃ tadavāṅmanasagocaram ॥ 26॥ tasminsuvidite sarvaṃ vijñātaṃ syādidaṃ śuka । tadātmakatvātsarvasya tasmādbhinnaṃ nahi kvacit ॥ 27॥ dve vidye veditavye hi parā caivāparā ca te । tatrāparā tu vidyaiṣā ṛgvedo yajureva ca ॥ 28॥ sāmavedastathātharvavedaḥ śikṣā munīśvara । kalpo vyākaraṇaṃ caiva niruktaṃ chanda eva ca ॥ 29॥ jyotiṣaṃ ca yathā nātmaviṣayā api buddhayaḥ । athaiṣā paramā vidyā yayātmā paramākṣaram ॥ 30॥ yattadadreśyamagrāhyamagotraṃ rūpavarjitam । acakṣuḥśrotramatyarthaṃ tadapāṇipadaṃ tathā ॥ 31॥ nityaṃ vibhuṃ sarvagataṃ susūkṣmaṃ ca tadavyayam । tadbhūtayoniṃ paśyanti dhīrā ātmānamātmani ॥ 32॥ yaḥ sarvajñaḥ sarvavidyo yasya jñānamayaṃ tapaḥ । tasmādatrānnarūpeṇa jāyate jagadāvaliḥ ॥ 33॥ satyavadbhāti tatsarvaṃ rajjusarpavadāsthitam । tadetadakṣaraṃ satyaṃ tadvijñāya vimucyate ॥ 34॥ jñānenaiva hi saṃsāravināśo naiva karmaṇā । śrotriyaṃ brahmaniṣṭhaṃ svaguruṃ gacchedyathāvidhi ॥ 35॥ gurustasmai parāṃ vidyāṃ dadyādbrahmātmabodhinīm । guhāyāṃ nihitaṃ sākṣādakṣaraṃ veda cennaraḥ ॥ 36॥ chitvā'vidyāmahāgranthiṃ śivaṃ gacchetsanātanam । tadetadamṛtaṃ satyaṃ tadboddhavyaṃ mumukṣibhiḥ ॥ 37॥ dhanustāraṃ śaro hyātmā brahma tallakṣyamucyate । apramattena veddhavyaṃ śaravattanmayo bhavet ॥ 38॥ lakṣyaṃ sarvagataṃ caiva śaraḥ sarvagato mukhaḥ । veddhā sarvagataścaiva śivalakṣyaṃ na saṃśayaḥ ॥ 39॥ na tatra candrārkavapuḥ prakāśate na vānti vātāḥ sakalā devatāśca । sa eṣa devaḥ kṛtabhāvabhūtaḥ svayaṃ viśuddho virajaḥ prakāśate ॥ 40॥ dvau suparṇau śarīre'smiñjīveśākṣyau saha sthitau । tayorjīvaḥ phalaṃ bhuṅkte karmaṇo na maheśvaraḥ ॥ 41॥ kevalaṃ sākṣirūpeṇa vinā bhogaṃ maheśvaraḥ । prakāśate svayaṃ bhedaḥ kalpito māyayā tayoḥ ॥ 42॥ ghaṭākāśamaṭhākāśau yathākāśaprabhedataḥ । kalpitau paramau jīvaśivarūpeṇa kalpitau ॥ 43॥ tattvataśca śivaḥ sākṣāccijjīvaśca svataḥ sadā । ciccidākārato bhinnā na bhinnā cittvahānitaḥ ॥ 44॥ citaścinna cidākāradbhidyate jaḍarūpataḥ । bhidyate cejjaḍo bhedaścidekā sarvadā khalu ॥ 45॥ tarkataśca pramāṇācca cidekatvavyavasthiteḥ । cidekatvaparijñāne na śocati na muhyati ॥ 46॥ advaitaṃ paramānandaṃ śivaṃ yāti tu kaivalam ॥ 47॥ adhiṣṭhānaṃ samastasya jagataḥ satyacidghanam । ahamasmīti niścitya vītaśoko bhavenmuniḥ ॥ 48॥ svaśarīre svayaṃ jyotiḥsvarūpaṃ sarvasākṣiṇam । kṣīṇadoṣāḥ prapaśyanti netare māyayāvṛtāḥ ॥ 49॥ evaṃ rūpaparijñānaṃ yasyāsti parayoginaḥ । kutracidgamanaṃ nāsti tasya pūrṇasvarūpiṇaḥ ॥ 50॥ ākāśamekaṃ saṃpūrṇaṃ kutracinnaiva gacchati । tadvatsvātmaparijñānī kutracinnaiva gacchati ॥ 51॥ sa yo ha vai tatparamaṃ brahma yo veda vai muniḥ । brahmaiva bhavati svasthaḥ saccidānanda mātṛkaḥ ॥ 52॥ ityupaniṣat ॥ oṃ saha nāvavatu ॥ saha nau bhunaktu ॥ saha vīryaṃ karavāvahai ॥ tejasvināvadhītamastu mā vidviṣāvahai ॥ oṃ śāntiḥ śāntiḥ śāntiḥ ॥ iti rudrahṛdayopaniṣatsamāptā ॥