यत्रासम्भवतां याति स्वातिरिक्तभिदाततिः । । संविन्मात्रं परं ब्रह्म तत्स्वमात्रं विजृम्भते ॥ ॐ सह नाववतु । सह नौ भुनक्तु । सह वीर्यं करवावहै । तेजस्वि नावधीतमस्तु मा विद्विषावहै ॥ ॐ शान्तिः शान्तिः शान्तिः ॥ अच्युतोऽस्मि महादेव तव कारुण्यलेशतः । विज्ञानघन एवास्मि शिवोऽस्मि किमतः परम् ॥१॥ न निजं निजवद्भाति अन्तःकरणजृम्भणात् । अन्तःकरणनाशेन संविन्मात्रस्थितो हरिः ॥२॥ संविन्मात्रस्थितश्चाहमजोऽस्मि किमतः परम् । व्यतिरिक्तं जडं सर्वं स्वप्नवच्च विनश्यति ॥३॥ चिज्जडानां तु यो द्रष्टा सोऽच्युतो ज्ञानविग्रहः । स एव हि महादेवः स एव हि महाहरिः ॥४॥ स एव हि ज्योतिषां ज्योतिः स एव परमेश्वरः । स एव हि परं ब्रह्म तद्ब्रह्माहं न संशयः ॥५॥ जीवः शिवः शिवो जीवः स जीवः केवलः शिवः । तुषेण बद्धो व्रीहिः स्यात्तुषाभावेन तण्डुलः ॥६॥ एवं बद्धस्तथा जीवः कर्मनाशे सदाशिवः । पाशबद्धस्तथा जीवः पाशमुक्तः सदाशिवः ॥७॥ शिवाय विष्णुरूपाय शिवरूपाय विष्णवे । शिवस्य हृदयं विष्णुः विष्णोश्च हृदयं शिवः ॥८॥ यथा शिवमयो विष्णुरेवं विष्णुमयः शिवः । यथान्तरं न पश्यामि तथा मे स्वस्तिरायुषि ॥९॥ यथान्तरं न भेदाः स्युः शिवकेशवयोस्तथा । देहो देवालयः प्रोक्तः स जीवः केवलः शिवः ॥१०॥ त्यजेदज्ञाननिर्माल्यं सोऽहम्भावेन पूजयेत् । अभेददर्शनं ज्ञानं ध्यानं निर्विषयं मनः । स्नानं मनोमलत्यागः शौचमिन्द्रियनिग्रहः ॥११॥ ब्रह्मामृतं पिबेद्भैक्ष्यमाचरेद्देहरक्षणे । वसेदेकान्तिको भूत्वा चैकान्ते द्वैतवर्जिते । इत्येवमाचरेद्धीमान्स एवं मुक्तिमाप्नुयात् ॥१२॥ श्रीपरमधाम्ने स्वस्ति चिरायुष्योन्नम इति । विरिञ्चिनारायणशङ्करात्मकं नृसिंह देवेश तव प्रसादतः । अचिन्त्यमव्यक्तमनन्तमव्ययं वेदात्मकं ब्रह्म निजं विजानते ॥१३॥ तद्विष्णोः परमं पदं सदा पश्यन्ति सूरयः । दिवीव चक्षुराततम् ॥१४॥ तद्विप्रासो विपन्यवो जागृवांसः समिन्धते । विष्णोर्यत्परमं पदम् । इत्येतन्निर्वाणानुशासनमिति वेदानुशासनमिति वेदानुशासनमित्युपनिषत् ॥१५॥ ॥इति कृष्णयजुर्वेदीय स्कन्दोपनिषत्समाप्ता ॥
Om ! May He protect us both together; may He nourish us both together; May we work conjointly with great energy, May our study be vigorous and effective; May we not mutually dispute (or may we not hate any). Om ! Let there be Peace in me ! Let there be Peace in my environment ! Let there be Peace in the forces that act on me ! 1-5. (Skanda says): Great god ! Owing to an iota of your compassion I am the lapseless being (not lapsing from the identity). I am a mass of knowledge ! I am also the Good – what more (can I need) ? Owing to the waxing of the Internal organ, what is not spiritual appears as such; by its warning, this is nothing but pure knowledge or Hari. I am knowledge alone, unborn – what more ? All that is other (than) It is inert and perishes like a dream. He who discerns the consciousness as distinct from the inert is the unswerving mass of knowledge. Only he is Shiva, Hari, luminary of luminaries, the supreme god, the Brahman – I am that Brahman surely. 6-7. Jiva is Shiva and Shiva is Jiva; when bound by husk it is paddy, unbound of is rice. Thus the bound one is Jiva, released from karma he is eternal Shiva. Bound by ropes, he is Jiva, unbound, Shiva. 8-9. (I bow) to Shiva of the form of Vishnu and Vishnu who is Shiva; Vishnu is Shiva’s heart and Shiva, Vishnu’s. Just as Vishnu is full of Shiva, so is Shiva full of Vishnu. As I see no difference, I am well all my life. 10-15. The body is said to be the temple, the deity Shiva is Jiva; one should throw away the flowers after worship and worship with the sense of identity. Perception of non-difference is knowledge, meditation the objectless mind. The bath is removal of mental impurity; cleanliness is control of the senses. One should drink the nectar of Brahma, take alms for sustenance, live by oneself devoid of duality. Such a person of wisdom will get liberation. I bow to the supreme, sacred seat of power, to secure well-being and long life. They know themselves to be Brahman, Brahma, Vishnu, Shiva, beyond thought, unmanifest, endless, undecaying, by your grace, Nrisimha. That high place of Vishnu the wise ones always behold like an eye extended in heaven. The sages, praising and awake exalt that supreme status of Vishnu. This is the doctrine of liberation according to the Vedas. Om ! May He protect us both together; may He nourish us both together; May we work conjointly with great energy, May our study be vigorous and effective; May we not mutually dispute (or may we not hate any). Om ! Let there be Peace in me ! Let there be Peace in my environment ! Let there be Peace in the forces that act on me !
yatrāsambhavatāṃ yāti svātiriktabhidātatiḥ । । saṃvinmātraṃ paraṃ brahma tatsvamātraṃ vijṛmbhate ॥ oṃ saha nāvavatu । saha nau bhunaktu । saha vīryaṃ karavāvahai । tejasvi nāvadhītamastu mā vidviṣāvahai ॥ oṃ śāntiḥ śāntiḥ śāntiḥ ॥ acyuto'smi mahādeva tava kāruṇyaleśataḥ । vijñānaghana evāsmi śivo'smi kimataḥ param ॥1॥ na nijaṃ nijavadbhāti antaḥkaraṇajṛmbhaṇāt । antaḥkaraṇanāśena saṃvinmātrasthito hariḥ ॥2॥ saṃvinmātrasthitaścāhamajo'smi kimataḥ param । vyatiriktaṃ jaḍaṃ sarvaṃ svapnavacca vinaśyati ॥3॥ cijjaḍānāṃ tu yo draṣṭā so'cyuto jñānavigrahaḥ । sa eva hi mahādevaḥ sa eva hi mahāhariḥ ॥4॥ sa eva hi jyotiṣāṃ jyotiḥ sa eva parameśvaraḥ । sa eva hi paraṃ brahma tadbrahmāhaṃ na saṃśayaḥ ॥5॥ jīvaḥ śivaḥ śivo jīvaḥ sa jīvaḥ kevalaḥ śivaḥ । tuṣeṇa baddho vrīhiḥ syāttuṣābhāvena taṇḍulaḥ ॥6॥ evaṃ baddhastathā jīvaḥ karmanāśe sadāśivaḥ । pāśabaddhastathā jīvaḥ pāśamuktaḥ sadāśivaḥ ॥7॥ śivāya viṣṇurūpāya śivarūpāya viṣṇave । śivasya hṛdayaṃ viṣṇuḥ viṣṇośca hṛdayaṃ śivaḥ ॥8॥ yathā śivamayo viṣṇurevaṃ viṣṇumayaḥ śivaḥ । yathāntaraṃ na paśyāmi tathā me svastirāyuṣi ॥9॥ yathāntaraṃ na bhedāḥ syuḥ śivakeśavayostathā । deho devālayaḥ proktaḥ sa jīvaḥ kevalaḥ śivaḥ ॥10॥ tyajedajñānanirmālyaṃ so'hambhāvena pūjayet । abhedadarśanaṃ jñānaṃ dhyānaṃ nirviṣayaṃ manaḥ । snānaṃ manomalatyāgaḥ śaucamindriyanigrahaḥ ॥11॥ brahmāmṛtaṃ pibedbhaikṣyamācareddeharakṣaṇe । vasedekāntiko bhūtvā caikānte dvaitavarjite । ityevamācareddhīmānsa evaṃ muktimāpnuyāt ॥12॥ śrīparamadhāmne svasti cirāyuṣyonnama iti । viriñcinārāyaṇaśaṅkarātmakaṃ nṛsiṃha deveśa tava prasādataḥ । acintyamavyaktamanantamavyayaṃ vedātmakaṃ brahma nijaṃ vijānate ॥13॥ tadviṣṇoḥ paramaṃ padaṃ sadā paśyanti sūrayaḥ । divīva cakṣurātatam ॥14॥ tadviprāso vipanyavo jāgṛvāṃsaḥ samindhate । viṣṇoryatparamaṃ padam । ityetannirvāṇānuśāsanamiti vedānuśāsanamiti vedānuśāsanamityupaniṣat ॥15॥ ॥iti kṛṣṇayajurvedīya skandopaniṣatsamāptā ॥