॥ अथ बह्वृचोपनिषत्॥ ॐ वाङ्मे मनसि प्रतिष्ठिता । मनो मे वाचि प्रतिष्ठितम् । आविरावीर्म एधि । वेदस्य म आणीस्थः । श्रुतं मे मा प्रहासीः । अनेनाधीतेनाहोरात्रान्सन्दधामि । ऋतं वदिष्यामि । सत्यं वदिष्यामि । तन्मामवतु । तद्वक्तारमवतु । अवतु माम् । अवतु वक्तारम् । अवतु वक्तारम् । ॐ शान्तिः शान्तिः शान्तिः ॥ बह्वृचाख्यब्रह्मविद्यामहाखण्डार्थवैभवम् । अखण्डानन्दसाम्राज्यं रामचन्द्रपदं भजे ॥ हरिः ॐ ॥ देवी ह्येकाग्र एवासीत् । सैव जगदण्डमसृजत् । कामकलेति विज्ञायते । श्रृंगारकलेति विज्ञायते ॥ १॥ तस्या एव ब्रह्मा अजीजनत् । विष्णुरजीजनत् । रुद्रोऽजीजनत् । सर्वे मरुद्गणा अजीजनत् । गन्धर्वाप्सरसः किन्नरा वादित्रवादिनः समन्तादजीजनत् । भोग्यमजीजनत्। सर्वमजीजनत् । सर्वं शाक्तमजीजनत् । अण्डजं स्वेदजमुद्भिज्जं जरायुजम् यत्किंचैतत् प्राणि स्थावरजंगमं मनुष्यमजीजनत् ॥ २॥ सैषा परा शक्तिः । सैषा शांभवीविद्या कादिविद्येति वा हादिविद्येति वा सादिविद्येति वा । रहस्यमोमों वाचि प्रतिष्ठा ॥ ३॥ सैव पुरत्रयं शरीरत्रयं व्याप्य बहिरन्तरवभासयन्ती देशकालवस्त्वन्तरसंगान्महात्रिपुरसुन्दरी वै प्रत्यक्चितिः ॥ ४॥ सैवात्मा ततोऽन्यमसत्यमनात्मा । अत एषा ब्रह्मासंवित्तिर्भावभावकलाविनिर्मुक्ता चिद्विद्याऽद्वितीयब्रह्मसंवित्तिः सच्चिदानन्दलहरी महात्रिपुरसुन्दरी बहिरन्तरनुप्रविश्य स्वयमेकैव विभाति । यदस्ति सन्मात्रम् । यद्विभाति चिन्मात्रम् । यत्प्रियमानन्दं तदेतत् पूर्वाकारा महात्रिपुरसुन्दरी । त्वं चाहं च सर्वं विश्वं सर्वदेवता इतरत् सर्वं महात्रिपुरसुन्दरी । सत्यमेकं ललिताख्यं वस्तु तदद्वितीयमखण्डार्थं परं ब्रह्म ॥ ५॥ पञ्चरूपपरित्यागा दर्वरूपप्रहाणतः । अधिष्ठानं परं तत्त्वमेकं सच्छिष्यते महत् ॥ इति ॥ ६॥ प्रज्ञानं ब्रह्मेति वा अहं ब्रह्मास्मीति वा भाष्यते । तत्त्वमसीत्येव संभाष्यते । अयमात्मा ब्रह्मेति वा ब्रह्मैवाहमस्मीति वा ॥ ७॥ योऽहमस्मीति वा सोहमस्मीति वा योऽसौ सोऽहमस्मीति वा या भाव्यते सैषा षोडशी श्रीविद्या पञ्चदशाक्षरी श्रीमहात्रिपुरसुन्दरी बालांबिकेति बगलेति वा मातंगीति स्वयंवरकल्याणीति भुवनेश्वरीति चामुण्डेति चण्डेति वाराहीति तिरस्करिणीति राजमातंगीति वा शुकश्यामलेति वा लघुश्यामलेति वा अश्वारूढेति वा प्रत्यंगिरा धूमावती सावित्री गायत्री सरस्वती ब्रह्मानन्दकलेति ॥ ८॥ ऋचो अक्षरे परमे व्योमन् । यस्मिन् देवा अधि विश्वे निषेदुः । यस्तन्न वेद किं ऋचा करिष्यति। य इत्तद्विदुस्त इमे समासते। इत्युपनिषत् ॥ ९॥ ॐ वाङ्मे मनसि प्रतिष्ठिता । मनो मे वाचि प्रतिष्ठितम् । आविरावीर्म एधि । वेदस्य म आणीस्थः । श्रुतं मे मा प्रहासीः । अनेनाधीतेनाहोरात्रान् संदधामि । ऋतं वदिष्यामि । सत्यं वदिष्यामि । तन्मामवतु । तद्वक्तारमवतु । अवतु माम् । अवतु वक्तारम् । अवतु वक्तारम् । ॐ शान्तिः शान्तिः शान्तिः ॥ ॥ इति बह्वृचोपनिषत् ॥
Om ! Speech is rooted in my thought (mind) and my thought is rooted in my speech. Be manifest, patent, to me; be ye two, for me, the lynch-pins of the Veda. Let not Vedic lore desert me. With this mastered lore, I join day with night. I shall speak what is right; I shall speak what is true. Let that protect me; let that protect the speaker. Let that protect me. Let that protect the speaker, protect the speaker ! Om ! Peace ! Peace ! Peace ! 1. Om. The Goddess was indeed one in the beginning. Alone she emitted the world-egg. (She) is known as Love’s Part (IM). (She) is known as the half-syllabic instant after OM. 2. Of Her was Brahma born; was Vishnu born; was Rudra born. All wind-gods were born, celestial minstrels, nymphs, semi-human beings playing on instruments, were born (of Her), all around. What is enjoyed was born; everything was born (of Her). Everything of Power was born (of Her). The egg-born, the sweat-born, the seed-born, the womb-born, whatever breathes here, the stationary as well as the moving, and man were born (of Her). 3. She, here, is the Power supreme. She, here, is the science of Sambhu, (known) either as the science beginning with ka, or as the science beginning with ha, or as the science beginning with sa. This is the secret Om grounded in the word Om. 4. Pervading the three cities, the three bodies, illuminating within and without, She, the Consciousness within, becomes the Maha-Tripura-Sundari, being associated with space, time and objects. 5. She alone is Atman. Other than Her is untruth, non-self. Hence is She Brahman-Consciousness, free from (even) a tinge of being and non-being. She is the Science of Consciousness, non-dual Brahman Consciousness, a wave of Being-Consciousness-Bliss. The Beauty of the three-great-cities, penetrating without and within, is resplendent, non-dual, self-subsisting. What is, is pure Being; what shines is pure Consciousness; what is dear is Bliss. So here is the Maha-Tripura-Sundari who assumes all forms. You and I and all the world and all divinities and all besides are the Maha-Tripura-Sundari. The sole Truth is the thing named ‘the Beautiful’. It is the non-dual, integral, supreme Brahman. 6. The fivefold form relinquished And effects like space transcended, Remains the one, the great being, The supreme Ground, the only Truth. 7. It is declared either that ‘Brahman is Consciousness’ or that ‘I am Brahman’. In dialogue it is said: ‘Thou art That’; or ‘This Atman is Brahman’; or ‘I am Brahman’; or ‘Brahman alone am I’. 8. She who is contemplated as ‘That which I am’ or ‘I am He’ or ‘What He is that I am’, is the Sodasi, the Science of Sri, the fifteen-syllabled (science), the sacred Maha-Tripura-Sundari, the Virgin, the Mother, Bagala, the Matangi, the auspicious one who chooses her own Partner, the Mistress of the world, Chamunda, Chanda, the Power of the Boar, She who veils, the royal Matangi, dark like a parrot, light dark, mounted on a horse; opposed to Angiras; smoke-bannered; Power of Savitur, Sarasvati, Gayatri, part of Brahmic bliss. 9. The songs of praise dwell in the highest sphere Where dwell all gods; With Ric what will he do who knows not this ? They who know this well, they dwell all right; This is the secret science. Om ! Speech is rooted in my thought (mind) and my thought is rooted in my speech. Be manifest, patent, to me; be ye two, for me, the lynch-pins of the Veda. Let not Vedic lore desert me. With this mastered lore, I join day with night. I shall speak what is right; I shall speak what is true. Let that protect me; let that protect the speaker. Let that protect me. Let that protect the speaker, protect the speaker ! Om ! Peace ! Peace ! Peace ! Here ends the Bahvrichopanishad, included in the Rig-Veda.
॥ atha bahvṛcopaniṣat॥ oṃ vāṅme manasi pratiṣṭhitā । mano me vāci pratiṣṭhitam । āvirāvīrma edhi । vedasya ma āṇīsthaḥ । śrutaṃ me mā prahāsīḥ । anenādhītenāhorātrānsandadhāmi । ṛtaṃ vadiṣyāmi । satyaṃ vadiṣyāmi । tanmāmavatu । tadvaktāramavatu । avatu mām । avatu vaktāram । avatu vaktāram । oṃ śāntiḥ śāntiḥ śāntiḥ ॥ bahvṛcākhyabrahmavidyāmahākhaṇḍārthavaibhavam । akhaṇḍānandasāmrājyaṃ rāmacandrapadaṃ bhaje ॥ hariḥ oṃ ॥ devī hyekāgra evāsīt । saiva jagadaṇḍamasṛjat । kāmakaleti vijñāyate । śrṛṃgārakaleti vijñāyate ॥ 1॥ tasyā eva brahmā ajījanat । viṣṇurajījanat । rudro'jījanat । sarve marudgaṇā ajījanat । gandharvāpsarasaḥ kinnarā vāditravādinaḥ samantādajījanat । bhogyamajījanat। sarvamajījanat । sarvaṃ śāktamajījanat । aṇḍajaṃ svedajamudbhijjaṃ jarāyujam yatkiṃcaitat prāṇi sthāvarajaṃgamaṃ manuṣyamajījanat ॥ 2॥ saiṣā parā śaktiḥ । saiṣā śāṃbhavīvidyā kādividyeti vā hādividyeti vā sādividyeti vā । rahasyamomoṃ vāci pratiṣṭhā ॥ 3॥ saiva puratrayaṃ śarīratrayaṃ vyāpya bahirantaravabhāsayantī deśakālavastvantarasaṃgānmahātripurasundarī vai pratyakcitiḥ ॥ 4॥ saivātmā tato'nyamasatyamanātmā । ata eṣā brahmāsaṃvittirbhāvabhāvakalāvinirmuktā cidvidyā'dvitīyabrahmasaṃvittiḥ saccidānandalaharī mahātripurasundarī bahirantaranupraviśya svayamekaiva vibhāti । yadasti sanmātram । yadvibhāti cinmātram । yatpriyamānandaṃ tadetat pūrvākārā mahātripurasundarī । tvaṃ cāhaṃ ca sarvaṃ viśvaṃ sarvadevatā itarat sarvaṃ mahātripurasundarī । satyamekaṃ lalitākhyaṃ vastu tadadvitīyamakhaṇḍārthaṃ paraṃ brahma ॥ 5॥ pañcarūpaparityāgā darvarūpaprahāṇataḥ । adhiṣṭhānaṃ paraṃ tattvamekaṃ sacchiṣyate mahat ॥ iti ॥ 6॥ prajñānaṃ brahmeti vā ahaṃ brahmāsmīti vā bhāṣyate । tattvamasītyeva saṃbhāṣyate । ayamātmā brahmeti vā brahmaivāhamasmīti vā ॥ 7॥ yo'hamasmīti vā sohamasmīti vā yo'sau so'hamasmīti vā yā bhāvyate saiṣā ṣoḍaśī śrīvidyā pañcadaśākṣarī śrīmahātripurasundarī bālāṃbiketi bagaleti vā mātaṃgīti svayaṃvarakalyāṇīti bhuvaneśvarīti cāmuṇḍeti caṇḍeti vārāhīti tiraskariṇīti rājamātaṃgīti vā śukaśyāmaleti vā laghuśyāmaleti vā aśvārūḍheti vā pratyaṃgirā dhūmāvatī sāvitrī gāyatrī sarasvatī brahmānandakaleti ॥ 8॥ ṛco akṣare parame vyoman । yasmin devā adhi viśve niṣeduḥ । yastanna veda kiṃ ṛcā kariṣyati। ya ittadvidusta ime samāsate। ityupaniṣat ॥ 9॥ oṃ vāṅme manasi pratiṣṭhitā । mano me vāci pratiṣṭhitam । āvirāvīrma edhi । vedasya ma āṇīsthaḥ । śrutaṃ me mā prahāsīḥ । anenādhītenāhorātrān saṃdadhāmi । ṛtaṃ vadiṣyāmi । satyaṃ vadiṣyāmi । tanmāmavatu । tadvaktāramavatu । avatu mām । avatu vaktāram । avatu vaktāram । oṃ śāntiḥ śāntiḥ śāntiḥ ॥ ॥ iti bahvṛcopaniṣat ॥