भिक्षूणां पटलं यत्र विश्रान्तिमगमत्सदा । तन्त्रैपदं ब्रह्मतत्त्वं ब्रह्ममात्रं करोतु माम् ॥ ॐ पूर्णमदः पूर्णमिदं पूर्णात् पूर्णमुदच्यते । पूर्णस्य पूर्णमादाय पूर्णमेवावशिष्यते ॥ ॐ शान्तिः शान्तिः शान्तिः ॥ ॐ अथ भिक्षूणां मोक्षार्थिनां कुटीचकबहूदकहंसपरमहंसाश्वेति चत्वारः । कुटीचका नाम गौतमभरद्वाजयाज्ञवल्क्यवसिष्ट - प्रभृतयोऽष्टौ ग्रासांश्वरन्तो योगमार्गे मोक्षमेव प्रार्थयन्ते । अथ बहूदका नाम त्रिदण्डकमण्डलुशिखा - यज्ञोपवीतकाषायवस्त्रधारिणो ब्रह्मर्षिगृहे मधुमांसं वर्जयित्वाष्टौ ग्रासान्भैक्षाचरणं कृत्वा योगमार्गे मोक्षमेव प्रार्थयन्ते । अथ हंसा नाम ग्राम एकरात्रं नगरे पञ्चरात्रं क्षेत्रे सप्तरात्रं तदुपरि न वसेयुः । गोमूत्रगोमयाहारिणो नित्यं चान्द्रायणपरायणा योगमार्गे मोक्षमेव प्रार्थयन्ते । अथ परमहंसा नाम संवर्तकारुणिश्वेतकेतुजडभरत - दत्तात्रेयशुकवामदेवहारीतकप्रभृतयोऽष्टौ ग्रासांश्वरन्तो योगमार्गे मोक्षमेव प्रार्थयन्ते । वृक्षमूले शून्यगृहे श्मशानवासिनो वा साम्बरा वा दिगम्बरा वा । न तेषां धर्माधर्मौ लाभालाभौ शुद्धाशुद्धौ द्वैतवर्जिता समलोष्टाश्मकाञ्चनाः सर्ववर्णेषु भैक्षाचरणं कृत्वा सर्वत्रात्मैवेति पश्यन्ति । अथ जातरूपधरा निर्द्वन्द्वा निष्परिग्रहाः शुक्लध्यानपरायणा आत्मनिष्टाः प्राणसंधारणार्थे यथोक्तकाले भैक्षमाचरन्तः शून्यागारदेवगृह - तृणकूटवल्मीकवृक्षमूलकुलालशालाग्निहोत्रशालानदीपुलिन - गिरिकन्दरकुहरकोटरनिर्झरस्थण्डिले तत्र ब्रह्ममार्गे सम्यक्संपन्नाः शुद्धमानसाः परमहंसाचरणेन संन्यासेन देहत्यागं कुर्वन्ति ते परमहंसा नामेत्युपनिषत् ॥ ॐ पूर्णमदः पूर्णमिदं पूर्णात् पूर्णमुदच्यते । पूर्णस्य पूर्णमादाय पूर्णमेवावशिष्यते ॥ ॐ शान्तिः शान्तिः शान्तिः ॥ इति भिक्षुकोपनिषत्समाप्ता ॥
Om ! That (Brahman) is infinite, and this (universe) is infinite. The infinite proceeds from the infinite. (Then) taking the infinitude of the infinite (universe), It remains as the infinite (Brahman) alone. Om ! Let there be Peace in me ! Let there be Peace in my environment ! Let there be Peace in the forces that act on me ! 1. Mendicant monks desiring liberation are of four kinds: the Kutichaka, Bahudaka, Hamsa and Paramahamsa. 2. The Kutichakas (hut-dwelling ascetics) such as (the sages of yore like) Gautama, Bharadvaja, Yajnavalkya and Vasistha, subsist on eight mouthfuls of food and seek liberation alone by the path of yoga. 3. Next the Bahudaka ascetics (remaining mainly in a holy place of sacred waters) who carry a three-fold emblematic staff (tridanda) and water vessel and wear tuft, sacred thread and ochre coloured garment. Avoiding wine and meat, they subsist on eight mouthfuls of food secured as alms from the houses of Brahmana sages and seek liberation alone in the path of Yoga. 4. Then come the Hamsa ascetics who shelter for one night in a village, five nights in a town and seven nights or more in a holy place. Subsisting on cow’s urine and other products from the cow and always addicted to the chandrayana vow, they seek liberation alone in the path of Yoga. 5. Then there are the Paramahamsa ascetics (such as the sages of yore like) Samvartaka, Aruni, Svetaketu, Jadabharata, Dattatreya, Suka, Vamadeva and Harita, who live on eight mouthfuls of food and seek liberation alone in the path of Yoga. They take shelter under the shade of trees, in deserted houses or in a cemetery. They may wear a dress or be unclad. They observe neither Dharma nor Adharma (i.e. they are above the laws of the land). They are not conscious of profit and loss of anything. They discard the doctrines of Visishtadvaita (propounded by Ramanuja), the Suddha Dvaita (of Madhvacharya) and the Asuddha Dvaita. Considering equally a pebble, stone and gold they receive alms from (person of) all castes and see the Atman alone everywhere. Unclad, unaffected by pairs (of opposites, heat and cold, etc.,) receiving no gifts, solely adhering to pure meditation, established in the Atman alone, receiving alms at the prescribed time for sustaining life, (taking shelter during nights) in a deserted house, temple, hay stack, ant-hill, shade of a tree, potter’s hut, a place where ritual fire is kept, sandy bank of a river, a mountain thicket or cavity, a hollow in a tree, the vicinity of a water fall, or a piece of clean ground, they are well on the way to realize Brahman; with pure mind, they give up their bodies in the state of renunciation as a Paramahamsa. They are indeed the Paramahamsas (as they become absorbed in Brahman). Thus (ends) the Upanishad. Om ! That (Brahman) is infinite, and this (universe) is infinite. The infinite proceeds from the infinite. (Then) taking the infinitude of the infinite (universe), It remains as the infinite (Brahman) alone. Om ! Let there be Peace in me ! Let there be Peace in my environment ! Let there be Peace in the forces that act on me ! Here ends the Bhikshukopanishad belonging to the Sukla-Yajur-Veda.
bhikṣūṇāṃ paṭalaṃ yatra viśrāntimagamatsadā । tantraipadaṃ brahmatattvaṃ brahmamātraṃ karotu mām ॥ oṃ pūrṇamadaḥ pūrṇamidaṃ pūrṇāt pūrṇamudacyate । pūrṇasya pūrṇamādāya pūrṇamevāvaśiṣyate ॥ oṃ śāntiḥ śāntiḥ śāntiḥ ॥ oṃ atha bhikṣūṇāṃ mokṣārthināṃ kuṭīcakabahūdakahaṃsaparamahaṃsāśveti catvāraḥ । kuṭīcakā nāma gautamabharadvājayājñavalkyavasiṣṭa - prabhṛtayo'ṣṭau grāsāṃśvaranto yogamārge mokṣameva prārthayante । atha bahūdakā nāma tridaṇḍakamaṇḍaluśikhā - yajñopavītakāṣāyavastradhāriṇo brahmarṣigṛhe madhumāṃsaṃ varjayitvāṣṭau grāsānbhaikṣācaraṇaṃ kṛtvā yogamārge mokṣameva prārthayante । atha haṃsā nāma grāma ekarātraṃ nagare pañcarātraṃ kṣetre saptarātraṃ tadupari na vaseyuḥ । gomūtragomayāhāriṇo nityaṃ cāndrāyaṇaparāyaṇā yogamārge mokṣameva prārthayante । atha paramahaṃsā nāma saṃvartakāruṇiśvetaketujaḍabharata - dattātreyaśukavāmadevahārītakaprabhṛtayo'ṣṭau grāsāṃśvaranto yogamārge mokṣameva prārthayante । vṛkṣamūle śūnyagṛhe śmaśānavāsino vā sāmbarā vā digambarā vā । na teṣāṃ dharmādharmau lābhālābhau śuddhāśuddhau dvaitavarjitā samaloṣṭāśmakāñcanāḥ sarvavarṇeṣu bhaikṣācaraṇaṃ kṛtvā sarvatrātmaiveti paśyanti । atha jātarūpadharā nirdvandvā niṣparigrahāḥ śukladhyānaparāyaṇā ātmaniṣṭāḥ prāṇasaṃdhāraṇārthe yathoktakāle bhaikṣamācarantaḥ śūnyāgāradevagṛha - tṛṇakūṭavalmīkavṛkṣamūlakulālaśālāgnihotraśālānadīpulina - girikandarakuharakoṭaranirjharasthaṇḍile tatra brahmamārge samyaksaṃpannāḥ śuddhamānasāḥ paramahaṃsācaraṇena saṃnyāsena dehatyāgaṃ kurvanti te paramahaṃsā nāmetyupaniṣat ॥ oṃ pūrṇamadaḥ pūrṇamidaṃ pūrṇāt pūrṇamudacyate । pūrṇasya pūrṇamādāya pūrṇamevāvaśiṣyate ॥ oṃ śāntiḥ śāntiḥ śāntiḥ ॥ iti bhikṣukopaniṣatsamāptā ॥