॥ अथ देव्युपनिषत् ॥ अथर्ववेदीय शाक्तोपनिषत् ॥ श्रीदेव्युपनिषद्विद्यावेद्यापारसुखाकृति । त्रैपदं ब्रह्मचैतन्यं रामचन्द्रपदं भजे ॥ ॐ भद्रं कर्णेभिः शृणुयाम देवाः भद्रं पश्येमाक्षभिर्यजत्राः । स्थिरैरङ्गैस्तुष्टुवाँसस्तनूभि- व्यर्शेम देवहितं यदायुः ॥ स्वस्ति न इन्द्रो वृद्धश्रवाः स्वस्ति नः पूषा विश्ववेदाः । स्वस्ति नस्तार्क्ष्यो अरिष्टनेमिः स्वस्ति नो बृहस्पतिर्दध्हातु ॥ ॐ शान्तिः शान्तिः शान्तिः ॥ हरिः ॐ ॥ सर्वे वै देवा देवीमुपतस्थुः । कासि त्वं महादेवि । साब्रवीदहं ब्रह्मस्वरूपिणी । मत्तः प्रकृतिपुरुषात्मकं जगच्छून्यं चाशून्यं च । अहमानन्दानानन्दाः विज्ञानाविज्ञाने अहम् । ब्रह्मा ब्रह्मणि वेदितव्ये । इत्याहाथर्वणि श्रुतिः ॥ १॥ अहं पञ्चभूतान्यभूतानि । अहमखिलं जगत् । वेदोऽहमवेदोऽहम् । विद्याहमविद्याहम् । अजाहमनजाहम् । अधश्चोर्ध्वं च तिर्यक्चाहम् । अहं रुद्रेभिर्वसुभिश्चराम्यहमादित्यैरुत विश्वदेवैः । अहं मित्रावरुणावुभौ बिभर्म्यहमिन्द्राग्नी अहमश्विनावुभौ । अहं सोमं त्वष्टारं पूषणं भगं दधाम्यहम् । विष्णुमुरुक्रमं ब्रह्माणमुत प्रजापतिं दधामि । अहं दधामि द्रविणं हविष्मते सुप्राव्ये ३ यजमानाय सुन्वते ॥ २॥ अहं राष्ट्री सङ्गमनी वसूनामहं सुवे पितरमस्य मूर्धन्मम योनिरप्स्वन्तः समुद्रे । य एवं वेद स देवीपदमाप्नोति । ते देवा अब्रुवन् । नमो देव्यै महादेव्यै सततं नमः । नमः प्रकृत्यै भद्रायै नियताः प्रणताः स्म ताम् ॥ ३॥ तामग्निवर्णां तपसा ज्वलन्तीं वैरोचनीं कर्मफलेषु जुष्टाम् । दुर्गां देवीं शरणमहं प्रपद्ये सुतरां नाशयते तमः ॥ ४॥ देवीं वाचमजनयन्त देवास्तां विश्वरूपाः पशवो वदन्ति । सा नो मन्द्रेशमूर्जं दुहाना धेनुर्वागस्मानुपसुष्टुतैतु ॥ ५॥ कालरात्रिं ब्रह्मस्तुतां वैष्णवीं स्कन्दमातरम् । सरस्वतीमदितिं दक्षदुहितरं नमामः पावनां शिवाम् ॥ ६॥ महालक्ष्मीश्च विद्महे सर्वसिद्धिश्च धीमहि । तन्नो देवी प्रचोदयात् ॥ ७॥ अदितिर्ह्यजनिष्ट दक्ष या दुहिता तव । तां देवा अन्वजायन्त भद्रा अमृतबन्धवः ॥ ८॥ कामो योनिः कामकला वज्रपाणिर्गुहा हसा । मातरिश्वाभ्रमिन्द्रः पुनर्गुहा सकला मायया च पुनः कोशा विश्वमाता दिवि द्योम् ॥ ९॥ एषात्मशक्तिः । एषा विश्वमोहिनी पाशाङ्कुशधनुर्बाणधरा । एषा श्रीमहाविद्या । य एवं वेद स शोकं तरति । नमस्ते अस्तु भगवति भवति मातरस्मान्पातु सर्वतः । सैषाष्टौ वसवः । सैषैकादश रुद्राः । सैषा द्वादशादित्याः । सैषा विश्वेदेवाः सोमपा असोमपाश्च । सैषा यातुधानु असुरा रक्षांसि पिशाचयक्षाः सिद्धाः । सैषा सत्त्वरजस्तमांसि । सैषा प्रजापतीन्द्रमनवः । सैषा ग्रहा नक्षत्रज्योतींषि कलाकाष्ठादिकालरूपिणी । तामहं प्रणौमि नित्यम् । तापापहारिणीं देवीं भुक्तिमुक्तिप्रदायिनीम् । अनन्तां विजयां शुद्धां शरण्यां शिवदां शिवाम् ॥ १०॥ वियदाकारसंयुक्तं वीतिहोत्रसमन्वितम् । अर्धेन्दुलसितं देव्या बीजं सर्वार्थसाधकम् ॥ ११॥ एवमेकाक्षरं मन्त्रं यतयः शुद्धचेतसः । ध्यायन्ति परमानन्दमया ज्ञानाम्बुराशयः ॥ १२॥ वाङ्मया ब्रह्मभूतस्मात्षष्ठं वक्त्रसमन्वितम् । सूर्यो वामश्रोत्रबिन्दुः संयुताष्टकतृतीयकः ॥ १३॥ नारायणेन संयुक्तो वायुश्चाधरसंयुतः । विच्चे नवार्णकोऽर्णः स्यान्महदानन्ददायकः ॥ १४॥ हृत्पुण्डरीकमध्यस्थां प्रातःसूर्यसमप्रभाम् । पाशाङ्कुशधरां सौम्यां वरदाभयहस्तकाम् । त्रिनेत्रां रक्तवसनां भक्तकामदुघां भजे ॥ १५॥ नमामि त्वामहं देवीं महाभयविनाशिनीम् । महादुर्गप्रशमनीं महाकारुण्यरूपिणीम् ॥ १६॥ यस्याः स्वरूपं ब्रह्मादयो न जानन्ति तस्मादुच्यतेऽज्ञेया । यस्या अन्तो न विद्यते तस्मादुच्यते अनन्ता । यस्या ग्रहणं नोपलभ्यते तस्मादुच्यतेऽलक्ष्या । यस्या जननं नोपलभ्यते तस्मादुच्यतेऽजा । एकैव सर्वत्र वर्तते तस्मादुच्यत एका । एकैव विश्वरूपिणी तस्मादुच्यते नैका ऽत एवोच्यतेऽज्ञेयानन्तालक्ष्याजैका नैकेति । मन्त्राणां मातृका देवी शब्दानां ज्ञानरूपिणी । ज्ञानानां चिन्मयातीता शून्यानां शून्यसाक्षिणी ॥ १७॥ यस्याः परतरं नास्ति सैषा दुर्गा प्रकीर्तिता । दुर्गात्संत्रायते यस्माद्देवी दुर्गेति कथ्यते ॥ १८॥ प्रपद्ये शरणं देवीं दुंदुर्गे दुरितं हर ॥ तां दुर्गां दुर्गमां देवीं दुराचारविघातिनीम् । नमामि भवभीतोऽहं संसारार्णवतारिणीम् ॥ १९॥ इदमथर्वशीर्षं योऽधीते पञ्चाथर्वशीर्षजपफलमवाप्नोति । इदमथर्वशीर्षं ज्ञात्वा योऽर्चां स्थापयति । शतलक्षं प्रजप्त्वापि सोऽर्चासिद्धिं च विन्दति । शतमष्टोत्तरं चास्याः पुरश्चर्याविधिः स्मृतः ॥ २०॥ दशवारं पठेद्यस्तु सद्यः पापैः प्रमुच्यते । महादुर्गाणि तरति महादेव्याः प्रसादतः ॥ २१॥ प्रातरधीयानो रात्रिकृतं पापं नाशयति । सायमधीयानो दिवसकृतं पापं नाशयति । तत्सायं प्रातः प्रयुञ्जानः पापोऽपापो भवति । निशीथे तुरीयसन्ध्यायां जप्त्वा वाक्सिद्धिर्भवति । नूतनप्रतिमायां जप्त्वा देवतासांनिध्यं भवति । प्राणप्रतिष्ठायां जप्त्वा प्राणानां प्रतिष्ठा भवति । भौमाश्विन्यां महादेवी संनिधौ जप्त्वा महामृत्युं तरति । य एवं वेदेत्युपनिषत् ॥ २२॥ ॐ भद्रं कर्णेभिः शृणुयाम देवा भद्रं पश्येमाक्षभिर्यजत्राः । स्थिरैरङ्गैस्तुष्टुवाँसस्तनूभि- र्व्यशेम देवहितं यदायुः ॥ स्वस्ति न इन्द्रो वृद्धश्रवाः स्वस्ति नः पूषा विश्ववेदाः । स्वस्ति नस्तार्क्ष्यो अरिष्टनेमिः स्वस्ति नो बृहस्पतिर्दधातु ॥ ॐ शान्तिः शान्तिः शान्तिः ॥ ॥ इति श्रीदेव्युपनिषत्समाप्ता ॥
Om ! Gods ! With ears let us hear what is good; Adorable ones ! With eyes let us see what is good. With steady limbs, with bodies, praising, Let us enjoy the life allotted by the gods. May Indra, of wide renown, grant us well-being; May Pusan, and all-gods, grant us well-being. May Tarksya, of unhampered movement, grant us well-being. May Brihaspati grant us well-being. Om ! Peace ! Peace ! Peace ! 1. All the gods waited upon the Goddess (and asked): ‘Great Goddess, who art Thou ?’ 2. She replied: I am essentially Brahman. From Me (has proceeded) the world comprising Prakriti and Purusha, the void and the Plenum. I am (all forms of) bliss and non-bliss. Knowledge and ignorance are Myself. Brahman and non-Brahman are to be known – says the scripture of the Atharvans. 3. I am the five elements as also what is different from them. I am the entire world. I am the Veda as well as what is different from it. I am the unborn; I am the born. Below and above and around am I. 4. I move with Rudras and Vasus, with Adityas and Visvedevas. Mitra and Varuna, Indra and Agni, I support, and the two Asvins. 5. I uphold Soma, Tvastir, Pusan and Bhaga, The wide-stepping Vishnu, Brahma, Prajapati. 6. To the zealous sacrificer offering oblation And pressing the Soma-juice do I grant wealth; I am the state, the Bringer of Wealth; Above it all, place I its protector. 7. Whoso knows my essence in the water of the inner sea, Attains he the Goddess’s abode. 8. Those gods said: Salutation to the Goddess, the great Goddess ! To Siva, the auspicious, salutation, for ever more. To blessed Prakriti, salutation ! Ever to Her we bow. 9. Refuge I seek in Her who is the colour of fire, Burning with ascetic ardour, Goddess resplendent, Delighting in actions’ fruits; O Thou, hard to reach, Dispel Thy gloom. 10. The gods engendered divine Speech; Her, beasts of all forms speak; The cow that yields sweet fruits and vigour – To us may lauded Speech appear. 11. To holy Siva, to Daksha’s daughter, To Aditi and Sarasvati, To Skanda’s Mother, Vishnu’s Power, To Night of death by Brahma lauded, We render obeisance. 12. Know we Great Lakshmi, Goddess of good Fortune; On all fulfilment do we meditate. May the Goddess inspire us ! 13. Through You, Dakshayani, was Aditi born; She is your daughter; after her were born The gods auspicious, Friends of deathlessness. 14. Love, womb, love’s part, the bearer of the thunderbolt The cave, ha-sa, the wind, the cloud, Indra; Again the cave, sa-ka-la with Maya – So runs the full primeval science begetting all. 15. This is the power of Self, enchanting all, armed with the noose, the hook, the bow and the arrow. This is the great and holy Science. 16. Who knows thus tides over grief. 17. Divine Mother ! Salutation to you; protect us in all possible ways. 18. She, here, is the eight Vasus, the eleven Rudras, the twelve Adityas, She is the all-gods, (those) who drink Soma and (those) who do not; she is the goblins, the demons, the evil beings, the ghosts; she also, beings super-human, the semi-divine. She is Sattva, Rajas and Tamas. She is Prajapati, Indra and Manu. She is the planets, stars and luminous spheres. She is the divisions of time, and the form of primeval Time. I salute Her ever: 19. Goddess who banishes distress Grants pleasure and deliverance alike, Infinite, victorious, pure, Siva, Refuge, the Giver of good. 20. Seed all-powerful of the Goddess’ mantra, Is sky, conjoined with ‘i’ and fire, With crescent moon adorned. 21. On the single-syllabled mantra Meditate the pure-hearted sages, Supremely blissful; Of wisdom the veriest oceans. 22. Fashioned by speech; born of Brahman; the sixth With face equipped; the sun; the left ear where The point is; the eighth and the third conjoint. 23. The air, with Narayana united, And with the lip; vicce, the nine-lettered; The letter, shall delight the lofty ones. 24. Seated in the lotus-heart, Resplendent as the morning sun, Goddess, bearing noose and hook, With gesture granting boons, dissolving fears; Tender, three-eyed, red-robed, granting devotees Their hearts’ desires, Thee I adore. 25. I bow to Thee, Goddess, Thou dispeller of gravest fears, Vanquisher of obstacles; Thou wearer of great Mercy’s form. 26. Brahma and others know not Her essence; so is she called the Unknowable. She has no end; so is she called the Endless. She is not grasped and so is she called the Incomprehensible. Her birth is not known and so is she called the Unborn. She alone is present everywhere, and so is she called the One. She alone wears all forms, and so is she called the Many. For these reasons is she called the Unknowable, the Endless, the Incomprehensible, the Unknown, the One and the Many. 27. The Goddess is the source of all mantras: Of all the words the knowledge is Her form. Her conscious Form transcends all cognitions; She is the witness of all emptiness. 28. Beyond Her is nothing; renowned is She As unapproachable; afeared of life, I bow to the inaccessible One, Bulwark against all sins; the Pilot who Steers me across the sea of worldly life. 29. He who studies this Atharva Upanishad gains the fruit of repeating five (other) Atharva Upanishads; he who, having mastered this Atharva Upanishad, persists in worship. 30. Of this vidya ten million chants Are less than the worship’s fruit. Eight and hundred recitations thereof Make but this rite’s inauguration. 31. Who reads it but ten times, Is released at once from sins; Through the grace of the Goddess great, Tides he over obstacles great. 32. Reading it in the morning one destroys the sins of the night; reading it in the evening one destroys the sins committed by day. Thus, reading both in the evening and morning, the sinner becomes sinless. Reading it midnight, too, the fourth ‘junction’, there results perfection of speech. Its recitation before a new image brings to it the presence of the deity. Its recitation at the time of consecration (of an image) makes it a centre of energy. Reciting it on Tuesday under the asterism Ashvini, in the presence of the great Goddess, one overcomes fell death – one who knows thus. This is the secret. Om ! Gods ! With ears let us hear what is good; Adorable ones ! With eyes let us see what is good. With steady limbs, with bodies, praising, Let us enjoy the life allotted by the gods. May Indra, of wide renown, grant us well-being; May Pusan, and all-gods, grant us well-being. May Tarksya, of unhampered movement, grant us well-being. May Brihaspati grant us well-being. Om ! Peace ! Peace ! Peace ! Here ends the Devi Upanishad, included in the Atharva-Veda.
॥ atha devyupaniṣat ॥ atharvavedīya śāktopaniṣat ॥ śrīdevyupaniṣadvidyāvedyāpārasukhākṛti । traipadaṃ brahmacaitanyaṃ rāmacandrapadaṃ bhaje ॥ oṃ bhadraṃ karṇebhiḥ śṛṇuyāma devāḥ bhadraṃ paśyemākṣabhiryajatrāḥ । sthirairaṅgaistuṣṭuvām̐sastanūbhi- vyarśema devahitaṃ yadāyuḥ ॥ svasti na indro vṛddhaśravāḥ svasti naḥ pūṣā viśvavedāḥ । svasti nastārkṣyo ariṣṭanemiḥ svasti no bṛhaspatirdadhhātu ॥ oṃ śāntiḥ śāntiḥ śāntiḥ ॥ hariḥ oṃ ॥ sarve vai devā devīmupatasthuḥ । kāsi tvaṃ mahādevi । sābravīdahaṃ brahmasvarūpiṇī । mattaḥ prakṛtipuruṣātmakaṃ jagacchūnyaṃ cāśūnyaṃ ca । ahamānandānānandāḥ vijñānāvijñāne aham । brahmā brahmaṇi veditavye । ityāhātharvaṇi śrutiḥ ॥ 1॥ ahaṃ pañcabhūtānyabhūtāni । ahamakhilaṃ jagat । vedo'hamavedo'ham । vidyāhamavidyāham । ajāhamanajāham । adhaścordhvaṃ ca tiryakcāham । ahaṃ rudrebhirvasubhiścarāmyahamādityairuta viśvadevaiḥ । ahaṃ mitrāvaruṇāvubhau bibharmyahamindrāgnī ahamaśvināvubhau । ahaṃ somaṃ tvaṣṭāraṃ pūṣaṇaṃ bhagaṃ dadhāmyaham । viṣṇumurukramaṃ brahmāṇamuta prajāpatiṃ dadhāmi । ahaṃ dadhāmi draviṇaṃ haviṣmate suprāvye 3 yajamānāya sunvate ॥ 2॥ ahaṃ rāṣṭrī saṅgamanī vasūnāmahaṃ suve pitaramasya mūrdhanmama yonirapsvantaḥ samudre । ya evaṃ veda sa devīpadamāpnoti । te devā abruvan । namo devyai mahādevyai satataṃ namaḥ । namaḥ prakṛtyai bhadrāyai niyatāḥ praṇatāḥ sma tām ॥ 3॥ tāmagnivarṇāṃ tapasā jvalantīṃ vairocanīṃ karmaphaleṣu juṣṭām । durgāṃ devīṃ śaraṇamahaṃ prapadye sutarāṃ nāśayate tamaḥ ॥ 4॥ devīṃ vācamajanayanta devāstāṃ viśvarūpāḥ paśavo vadanti । sā no mandreśamūrjaṃ duhānā dhenurvāgasmānupasuṣṭutaitu ॥ 5॥ kālarātriṃ brahmastutāṃ vaiṣṇavīṃ skandamātaram । sarasvatīmaditiṃ dakṣaduhitaraṃ namāmaḥ pāvanāṃ śivām ॥ 6॥ mahālakṣmīśca vidmahe sarvasiddhiśca dhīmahi । tanno devī pracodayāt ॥ 7॥ aditirhyajaniṣṭa dakṣa yā duhitā tava । tāṃ devā anvajāyanta bhadrā amṛtabandhavaḥ ॥ 8॥ kāmo yoniḥ kāmakalā vajrapāṇirguhā hasā । mātariśvābhramindraḥ punarguhā sakalā māyayā ca punaḥ kośā viśvamātā divi dyom ॥ 9॥ eṣātmaśaktiḥ । eṣā viśvamohinī pāśāṅkuśadhanurbāṇadharā । eṣā śrīmahāvidyā । ya evaṃ veda sa śokaṃ tarati । namaste astu bhagavati bhavati mātarasmānpātu sarvataḥ । saiṣāṣṭau vasavaḥ । saiṣaikādaśa rudrāḥ । saiṣā dvādaśādityāḥ । saiṣā viśvedevāḥ somapā asomapāśca । saiṣā yātudhānu asurā rakṣāṃsi piśācayakṣāḥ siddhāḥ । saiṣā sattvarajastamāṃsi । saiṣā prajāpatīndramanavaḥ । saiṣā grahā nakṣatrajyotīṃṣi kalākāṣṭhādikālarūpiṇī । tāmahaṃ praṇaumi nityam । tāpāpahāriṇīṃ devīṃ bhuktimuktipradāyinīm । anantāṃ vijayāṃ śuddhāṃ śaraṇyāṃ śivadāṃ śivām ॥ 10॥ viyadākārasaṃyuktaṃ vītihotrasamanvitam । ardhendulasitaṃ devyā bījaṃ sarvārthasādhakam ॥ 11॥ evamekākṣaraṃ mantraṃ yatayaḥ śuddhacetasaḥ । dhyāyanti paramānandamayā jñānāmburāśayaḥ ॥ 12॥ vāṅmayā brahmabhūtasmātṣaṣṭhaṃ vaktrasamanvitam । sūryo vāmaśrotrabinduḥ saṃyutāṣṭakatṛtīyakaḥ ॥ 13॥ nārāyaṇena saṃyukto vāyuścādharasaṃyutaḥ । vicce navārṇako'rṇaḥ syānmahadānandadāyakaḥ ॥ 14॥ hṛtpuṇḍarīkamadhyasthāṃ prātaḥsūryasamaprabhām । pāśāṅkuśadharāṃ saumyāṃ varadābhayahastakām । trinetrāṃ raktavasanāṃ bhaktakāmadughāṃ bhaje ॥ 15॥ namāmi tvāmahaṃ devīṃ mahābhayavināśinīm । mahādurgapraśamanīṃ mahākāruṇyarūpiṇīm ॥ 16॥ yasyāḥ svarūpaṃ brahmādayo na jānanti tasmāducyate'jñeyā । yasyā anto na vidyate tasmāducyate anantā । yasyā grahaṇaṃ nopalabhyate tasmāducyate'lakṣyā । yasyā jananaṃ nopalabhyate tasmāducyate'jā । ekaiva sarvatra vartate tasmāducyata ekā । ekaiva viśvarūpiṇī tasmāducyate naikā 'ta evocyate'jñeyānantālakṣyājaikā naiketi । mantrāṇāṃ mātṛkā devī śabdānāṃ jñānarūpiṇī । jñānānāṃ cinmayātītā śūnyānāṃ śūnyasākṣiṇī ॥ 17॥ yasyāḥ parataraṃ nāsti saiṣā durgā prakīrtitā । durgātsaṃtrāyate yasmāddevī durgeti kathyate ॥ 18॥ prapadye śaraṇaṃ devīṃ duṃdurge duritaṃ hara ॥ tāṃ durgāṃ durgamāṃ devīṃ durācāravighātinīm । namāmi bhavabhīto'haṃ saṃsārārṇavatāriṇīm ॥ 19॥ idamatharvaśīrṣaṃ yo'dhīte pañcātharvaśīrṣajapaphalamavāpnoti । idamatharvaśīrṣaṃ jñātvā yo'rcāṃ sthāpayati । śatalakṣaṃ prajaptvāpi so'rcāsiddhiṃ ca vindati । śatamaṣṭottaraṃ cāsyāḥ puraścaryāvidhiḥ smṛtaḥ ॥ 20॥ daśavāraṃ paṭhedyastu sadyaḥ pāpaiḥ pramucyate । mahādurgāṇi tarati mahādevyāḥ prasādataḥ ॥ 21॥ prātaradhīyāno rātrikṛtaṃ pāpaṃ nāśayati । sāyamadhīyāno divasakṛtaṃ pāpaṃ nāśayati । tatsāyaṃ prātaḥ prayuñjānaḥ pāpo'pāpo bhavati । niśīthe turīyasandhyāyāṃ japtvā vāksiddhirbhavati । nūtanapratimāyāṃ japtvā devatāsāṃnidhyaṃ bhavati । prāṇapratiṣṭhāyāṃ japtvā prāṇānāṃ pratiṣṭhā bhavati । bhaumāśvinyāṃ mahādevī saṃnidhau japtvā mahāmṛtyuṃ tarati । ya evaṃ vedetyupaniṣat ॥ 22॥ oṃ bhadraṃ karṇebhiḥ śṛṇuyāma devā bhadraṃ paśyemākṣabhiryajatrāḥ । sthirairaṅgaistuṣṭuvām̐sastanūbhi- rvyaśema devahitaṃ yadāyuḥ ॥ svasti na indro vṛddhaśravāḥ svasti naḥ pūṣā viśvavedāḥ । svasti nastārkṣyo ariṣṭanemiḥ svasti no bṛhaspatirdadhātu ॥ oṃ śāntiḥ śāntiḥ śāntiḥ ॥ ॥ iti śrīdevyupaniṣatsamāptā ॥