एकाक्षरपदारूढं सर्वात्मकमखण्डितम् । सर्ववर्जितचिन्मात्रं त्रिपान्नारायणं भजे ॥ ॐ सह नाववतु सह नौ भुनक्तु । सह वीर्यं करवावहै । तेजस्विनावधीतमस्तु मा विद्विषावहै ॥ ॐ शान्तिः शान्तिः शान्तिः ॥ हरिः ॐ एकाक्षरं त्वक्षरेऽत्रास्ति सोमे सुषुम्नायां चेह दृढी स एकः । त्वं विश्वभूर्भूतपतिः पुराणः पर्जन्य एको भुवनस्य गोप्ता ॥ १॥ विश्वे निमग्नपदवीः कवीनां त्वं जातवेदो भुवनस्य नाथः । अजातमग्रे स हिरण्यरेता यज्ञैस्त्वमेवैकविभुः पुराणः ॥ २॥ प्राणः प्रसूतिर्भुवनस्य योनि- र्व्याप्तं त्वया एकपदेन विश्वम् । त्वं विश्वभूर्योनिपारः स्वगर्भे कुमार एको विशिखः सुधन्वा ॥ ३॥ वितत्य बाणं तरुणार्कवर्णं व्योमान्तरे भासि हिरण्यगर्भः । भासा त्वया व्योम्नि कृतः सुतार्क्ष्य- स्तवं वै कुमारस्त्वमरिष्टनेमिः ॥ ४॥ त्वं वज्रभृद्भूतपतिस्त्वमेव । कामः प्रजानां निहितोऽसि सोमे । स्वाहा स्वधा यच्च वषट् करोति रुद्रः पशूनां गुहया निमग्नः ॥ ५॥ धाता विधाता पवनः सुपर्णो विष्णुर्वराहो रजनी रहश्च । भूतं भविष्यत्प्रभवः क्रियाश्च । कालः क्रमस्त्वं परमाक्षरं च ॥ ६॥ ऋचो यजूंशि प्रसवन्ति वक्त्रा- त्सामानि सम्राड्वसुवन्तरिक्षम् । त्वं यज्ञनेता हुतभुग्विभुश्च रुद्रास्तथ दैत्यगणा वसुश्च ॥ ७॥ स एष देवोऽम्बरगश्च चक्रे अन्येऽभ्यधिष्ठेत तमो निरुन्ध्यः । हिरण्मयं यस्य विभाति सर्वं व्योमान्तरे रश्मिमिवांशुनाभिः ॥ ८॥ स सर्ववेत्ता भुवनस्य गोप्ता ताभिः प्रजानां निहिता जनानाम् । प्रोता त्वमोता विचितिः क्रमाणां प्रजापतिश्छन्दमयो विगर्भः ॥ ९॥ सामैश्चिदन्तो विरजश्च बाहूं हिरण्मयं वेदविदां वरिष्ठम् । यमध्वरे ब्रह्मविदः स्तुवन्ति सामैर्यजुर्भिः क्रतुभिस्त्वमेव ॥ १०॥ त्वं स्त्री पुमांस्त्वं च कुमार एक- स्त्वं वै कुमारी ह्यथ भूस्त्वमेव । त्वमेव धाता वरुणश्च राजा त्वं वत्सरोऽग्न्यर्यम एव सर्वम् ॥ ११॥ मित्रः सुपर्णश्चन्द्र इन्द्रो रुद्र- स्त्वष्टा विष्णुः सविता गोपतिस्त्वम् । त्वं विष्णुर्भूतानि तु त्रासि दैत्यां- स्त्वयावृतं जगदुद्भवगर्भः ॥ १२॥ त्वं भूर्भुवः स्वस्त्वं हि स्वयंभूरथ विश्वतोमुखः । य एवं नित्यं वेदयते गुहाशयं प्रभुं पुराणं सर्वभूतं हिरण्मयम् ॥ १३॥ हिरण्मयं बुद्धिमतां परां गतिं स बुद्धिमान्बुद्धिमतीत्य तिष्ठतीत्युपनिषत् ॥ ॐ सह नाववतु सह नौ भुनक्तु । सह वीर्यं करवावहै । तेजस्विनावधीतमस्तु मा विद्विषावहै ॥ ॐ शान्तिः शान्तिः शान्तिः ॥ इत्येकाक्षरोपनिषत्समाप्ता ॥
Om ! May He protect us both together; may He nourish us both together; May we work conjointly with great energy, May our study be vigorous and effective; May we not mutually dispute (or may we not hate any). Om ! Let there be Peace in me ! Let there be Peace in my environment ! Let there be Peace in the forces that act on me ! 1. Thou art the one Imperishable in the Imperishable, conjoint with Uma. As known by means of Susumna, here (on the empirical plane), the one firm (Principle art Thou). Thou art the ancient source of the world, the Lord of beings; Thou the Parjanya (the Principle of life-giving water), the Protector of the world. 2. Thou art immanent in all; from (the view-point) of the wise, Thou, the Lord of the world art the all-knowing (Fire). In the beginning Thou art unborn, the first born, the sacrifice, too, art Thou. Thou alone the one omnipresent and ancient. 3. Thou art the Principle of life; Thou the manifestation (the manifested world); Thou the source of the world; by a quarter hast Thou pervaded this world. Thou art the world’s birth, the cause, the life supreme, and the child in the womb armed with the excellent bow and arrow. 4. Having widely spread out the arrow, shining like the youthful sun in the sky, Thou shinest as Hiranyagarbha. By means of light hast Thou created the resplendent eagle (the sun), in the sky. Thou art Subrahmanya, Thou Arishtanemi (a brother of Garuda). 5. Thou art the bearer of the Thunderbolt (Indra), the Lord of beings; Thou alone art love in all living beings and in Soma (Shiva with Uma). Thou art the sacred syllables Svaha, Svadha and Vasat; Thou the Rudra immanent unhurt in the hearts of beasts. 6. (Thou art) the supporter, the ordainer, the purifier (air), the all pervading plenum, the divine Varaha, night and aloneness; the past, the future and the present; Thou art all activities, time, sequence and the supreme Imperishable. 7. The Vedic verses, prose formulas and songs proceed from Thy mouth. Thou shinest best (as) the Vasus and the sky. Thou art the leader of the sacrifice, the all-pervading fire and the Rudras. So also (art Thou) the hosts of demons and Vasus. 8. This God here dwells in the sun (the wheel of the celestial chariot) and elsewhere dispelling darkness. All that pertains to Him shines in lovely (fashion) like gold in some other sky. (This world of relativities shines so). 9. He is the all-knower; the Protector of the world; the firm nave of all born beings. He exists lengthwise and crosswise, the sum total of (things) spread out in order. He is the birthless (of wondrous births) Prajapati sung in the Vedas. 10. Thou art He whom in the sacrifices the knowers of Brahman adore with Vedic Songs, formulas and rites and the soma juice; as the final (Truth) devoid of all admixture, as the golden, the best of Veda-knowers. 11. Thou alone art the woman, the man; again Thou art the boy and the girl. Thou art the ordainer, the King Varuna, the Year, Aryama, the all. 12. (Thou art) Mitra, the bright-feathered (Garuda), the moon, Indra, Varuna, Rudra, Tvastar, Vishnu, Savitar, the lord of light, Thou Vishnu protectest all beings from the demoniac; the world is encompassed by Thee; Thou the womb of all that is born; Thou art the earth, the atmosphere, the firmament; Thou art the self-born; Thou art turned towards all. 13. Whoso thus knows the eternal Dweller in the cave (of the heart), the ancient Lord who has become the all, the golden, the supreme goal of the wise, is wise. He stays transcending all (forms of) wisdom. This is the secret doctrine. Om ! May He protect us both together; may He nourish us both together; May we work conjointly with great energy, May our study be vigorous and effective; May we not mutually dispute (or may we not hate any). Om ! Let there be Peace in me ! Let there be Peace in my environment ! Let there be Peace in the forces that act on me ! Here ends the Ekaksharopanishad belonging to the Krishna-Yajur-Veda.
ekākṣarapadārūḍhaṃ sarvātmakamakhaṇḍitam । sarvavarjitacinmātraṃ tripānnārāyaṇaṃ bhaje ॥ oṃ saha nāvavatu saha nau bhunaktu । saha vīryaṃ karavāvahai । tejasvināvadhītamastu mā vidviṣāvahai ॥ oṃ śāntiḥ śāntiḥ śāntiḥ ॥ hariḥ oṃ ekākṣaraṃ tvakṣare'trāsti some suṣumnāyāṃ ceha dṛḍhī sa ekaḥ । tvaṃ viśvabhūrbhūtapatiḥ purāṇaḥ parjanya eko bhuvanasya goptā ॥ 1॥ viśve nimagnapadavīḥ kavīnāṃ tvaṃ jātavedo bhuvanasya nāthaḥ । ajātamagre sa hiraṇyaretā yajñaistvamevaikavibhuḥ purāṇaḥ ॥ 2॥ prāṇaḥ prasūtirbhuvanasya yoni- rvyāptaṃ tvayā ekapadena viśvam । tvaṃ viśvabhūryonipāraḥ svagarbhe kumāra eko viśikhaḥ sudhanvā ॥ 3॥ vitatya bāṇaṃ taruṇārkavarṇaṃ vyomāntare bhāsi hiraṇyagarbhaḥ । bhāsā tvayā vyomni kṛtaḥ sutārkṣya- stavaṃ vai kumārastvamariṣṭanemiḥ ॥ 4॥ tvaṃ vajrabhṛdbhūtapatistvameva । kāmaḥ prajānāṃ nihito'si some । svāhā svadhā yacca vaṣaṭ karoti rudraḥ paśūnāṃ guhayā nimagnaḥ ॥ 5॥ dhātā vidhātā pavanaḥ suparṇo viṣṇurvarāho rajanī rahaśca । bhūtaṃ bhaviṣyatprabhavaḥ kriyāśca । kālaḥ kramastvaṃ paramākṣaraṃ ca ॥ 6॥ ṛco yajūṃśi prasavanti vaktrā- tsāmāni samrāḍvasuvantarikṣam । tvaṃ yajñanetā hutabhugvibhuśca rudrāstatha daityagaṇā vasuśca ॥ 7॥ sa eṣa devo'mbaragaśca cakre anye'bhyadhiṣṭheta tamo nirundhyaḥ । hiraṇmayaṃ yasya vibhāti sarvaṃ vyomāntare raśmimivāṃśunābhiḥ ॥ 8॥ sa sarvavettā bhuvanasya goptā tābhiḥ prajānāṃ nihitā janānām । protā tvamotā vicitiḥ kramāṇāṃ prajāpatiśchandamayo vigarbhaḥ ॥ 9॥ sāmaiścidanto virajaśca bāhūṃ hiraṇmayaṃ vedavidāṃ variṣṭham । yamadhvare brahmavidaḥ stuvanti sāmairyajurbhiḥ kratubhistvameva ॥ 10॥ tvaṃ strī pumāṃstvaṃ ca kumāra eka- stvaṃ vai kumārī hyatha bhūstvameva । tvameva dhātā varuṇaśca rājā tvaṃ vatsaro'gnyaryama eva sarvam ॥ 11॥ mitraḥ suparṇaścandra indro rudra- stvaṣṭā viṣṇuḥ savitā gopatistvam । tvaṃ viṣṇurbhūtāni tu trāsi daityāṃ- stvayāvṛtaṃ jagadudbhavagarbhaḥ ॥ 12॥ tvaṃ bhūrbhuvaḥ svastvaṃ hi svayaṃbhūratha viśvatomukhaḥ । ya evaṃ nityaṃ vedayate guhāśayaṃ prabhuṃ purāṇaṃ sarvabhūtaṃ hiraṇmayam ॥ 13॥ hiraṇmayaṃ buddhimatāṃ parāṃ gatiṃ sa buddhimānbuddhimatītya tiṣṭhatītyupaniṣat ॥ oṃ saha nāvavatu saha nau bhunaktu । saha vīryaṃ karavāvahai । tejasvināvadhītamastu mā vidviṣāvahai ॥ oṃ śāntiḥ śāntiḥ śāntiḥ ॥ ityekākṣaropaniṣatsamāptā ॥