यन्नारायणतारार्थसत्यज्ञानसुखाकृति । त्रिपान्नारायणाकरं तद्ब्रह्मैवास्मि केवलम् ॥ ॐ पूर्णमदः पूर्णमिदं पूर्णात्पूर्णमुदच्यते । पूर्णस्य पूर्णमादाय पूर्णमेवावशिष्यते ॥ ॐ शान्तिः शान्तिः शान्तिः ॥ हरिः ॐ ॥ बृहस्पतिरुवाच याज्ञवल्क्यं यदनु कुरुक्षेत्रं देवानां देवयजनं सर्वेषां भूतानां ब्रह्मसदनं तस्माद्यत्र क्वचन गच्घ्छेत्तदेव मन्येतेति । इदं वै कुरुक्षेत्रं देवानां देवयजनं सर्वेषां भूतानां ब्रह्मसदनम् । अत्र हि जन्तोः प्राणेषूत्क्रममाणेषु रुद्रस्तारकं ब्रह्म व्याचष्टे येनासावमृतीभूत्वा मोक्षी भवति । तस्मादविमुक्तमेव निषेवेत । अविमुक्तं न विमुञ्चेत् । एवमेवैष भगवन्निति वै याज्ञवल्क्यः ॥ १॥ अथ हैनं भारद्वाजः पप्रच्छ याज्ञवल्क्यं किं तारकम् । किं तारयतीति । स होवाच याज्ञवल्क्यः । ॐ नमो नारायणायेति तारकं चिदात्मकमित्युपासितव्यम् । ओमित्येकाक्षरमात्मस्वरूपम् । नम इति द्व्यक्षरं प्रकृतिस्वरूपम् । नारायणायेति पञ्चाक्षरं परंब्रह्मस्वरूपम् । इति य एवं वेद । सोऽमृतो भवति । ओमिति ब्रह्मा भवति । नकारो विष्णुर्भवति । मकारो रुद्रो भवति । नकार ईश्वरो भवति । रकारोऽण्डं विराड् भवति । यकारः पुरुषो भवति । णकारो भगवान्भवति । यकारः परमात्मा भवति । एतद्वै नारायणस्याष्टाक्षरं वेद परमपुरुषो भवति । अयमृग्वेदः प्रथमः पादः ॥ १॥ ॐइत्येतदक्षरं परं ब्रह्म । तदेवोपासितव्यम् । एतदेव सूक्ष्माष्टाक्षरं भवति । तदेतदष्टात्मकोऽष्टधा भवति । अकारः प्रथमाक्षरो भवति । उकारो द्वितीयाक्षरो भवति । मकारस्तृतीयाक्षरो भवति । बिन्दुस्तुरीयाक्षरो भवति । नादः पञ्चमाक्षरो भवति । कला षष्ठाक्षरो भवति । कलातीता सप्तमाक्षरो भवति । तत्परश्चाष्टमाक्षरो भवति । तारकत्त्वात्तारको भवति । तदेव तारकं ब्रह्म त्वं विद्धि । तदेवोपासितव्यम् ॥ अत्रैते श्लोका भवन्ति ॥ अकारादभवद्ब्रह्मा जाम्बवानितिसंज्ञकः । उकाराक्षरसंभूत उपेन्द्रो हरिनायकः ॥ १॥ मकाराक्षरसंभूतः शिवस्तु हनुमान्स्मृतः । बिन्दुरीश्वरसंज्ञस्तु शत्रुघ्नश्चक्रराट् स्वयम् ॥ २॥ नादो महाप्रभुर्ज्ञेयो भरतः शङ्खनामकः । कलायाः पुरुषः साक्षाल्लक्ष्मणो धरणीधरः ॥ ३॥ कलातीता भगवती स्वयं सीतेति संज्ञिता । तत्परः परमात्मा च श्रीरामः पुरुषोत्तमः ॥ ४॥ ओमित्येतदक्षरमिदं सर्वम् । तस्योपव्याख्यानं भूतं भव्यं भविष्यद्यच्चान्यत्तत्त्वमन्त्रवर्णदेवताछन्दो ऋक्कलाशक्तिसृष्ट्यात्मकमिति । य एवं वेद । यजुर्वेदो द्वितीयः पादः ॥ २॥ अथ हैनं भारद्वाजो याज्ञवल्क्यमुवाचाथ कैर्मन्त्रैः परमात्मा प्रीतो भवति स्वात्मानं दर्शयति तन्नो ब्रूहि भगव इति । स होवाच याज्ञवल्क्यः । ॐ यो ह वै श्रीपरमात्मा नारायणः स भगवानकारवाच्यो जाम्बवान्भूर्भुवः सुवस्तस्मै वै नमोनमः ॥ १॥ ॐ यो ह वै श्रीपरमात्मा नारायणः स भगवानुकारवाच्य उपेन्द्रस्वरूपो हरिनायको भूर्भुवः सुवस्तस्मै वै नमोनमः ॥ २॥ ॐ यो ह वै श्रीपरमात्मा नारायणः स भगवान्मकारवाच्यः शिवस्वरूपो हनूमान्भूर्भुवः सुवस्तस्मै नमोनमः ॥ ३॥ ॐ यो ह वै श्रीपरमात्मा नारायणः स भगवान्बिन्दुस्वरूपः शत्रुघ्नो भूर्भुवः सुवस्तस्मै वै नमोनमः ॥ ४॥ ॐ यो ह वै श्रीपरमात्मा नारायणः स भगवान्नादस्वरूपो भरतो भूर्भुवः सुवस्तस्मै वै नमोनमः ॥ ५॥ ॐ यो ह वै श्रीपरमात्मा नारायणः स भगवान्कलास्वरूपो लक्ष्मणो भूर्भुवः सुवस्तस्मै वै नमोनमः ॥ ६॥ ॐ यो ह वै श्रीपरमात्मा नारायणः स भगवान्कलातीता भगवती सीता चित्स्वरूपा भूर्भुवः सुवस्तस्मै वै नमोनमः ॥ ७॥ यथा प्रथममन्त्रोक्तावाद्यन्तौ तथा सर्वमन्त्रेषु द्रष्टव्यम् । उकारवाच्य उपेन्द्रस्वरूपो हरिनायकः २ मकारवाच्यः शिवस्वरूपो हनुमान् ३ बिन्दुस्वरूपः शत्रुघ्नः ४ नादस्वरूपो भरतः ५ कलास्वरूपो लक्ष्मणः ६ कलातीता भगवती सीता चित्स्वरूपा ७ ॐ यो ह वै श्रीपरमात्मा नारायणः स भगवांस्तत्परः परमपुरुषः पुराणपुरुषोत्तमो नित्यशुद्धबुद्धमुक्तसत्य- परमानन्ताद्वयपरिपूर्णः परमात्मा ब्रह्मैवाहं रामोऽस्मि भूर्भुवः सुवस्तस्मै नमोनमः ॥ ८॥ एतदष्टविधमन्त्रं योऽधीते सोऽग्निपूतो भवति । स वायुपूतो भवति । स आदित्यपूतो भवति । स स्थाणुपूतो भवति । स सर्वैर्देवैर्ज्ञातो भवति । तेनेतिहासपुराणानं रुद्राणां शतसहस्राणि जप्तानि फलानि भवन्ति । श्रीमन्नारायणाष्टाक्षरानुस्मरणेन गायत्र्याः शतसहस्रं जप्तं भवति । प्रणवानामयुतं जप्तं भवति । दशपूर्वान्दशोत्तरान्पुनाति । नारायणपदमवाप्नोति य एवं वेद । तद्विष्णोः परमं पदं सदा पश्यन्ति सूरयः । दिवीव चक्षुराततम् । तद्विप्रासो विपन्यवो जागृवांसः समिन्धते । विष्णोर्यत्परमं पदम् ॥ इत्युपनिषत् ॥ सामवेदस्तृतीयः पादः ॥ ३॥ ॐ पूर्णमदः पूर्णमिदं पूर्णात्पूर्णमुदच्यते । पूर्णस्य पूर्णमादाय पूर्णमेवावशिष्यते ॥ ॐ शान्तिः शान्तिः शान्तिः ॥ इति तारसारोपनिषत्समाप्ता ॥
Om ! That (Brahman) is infinite, and this (universe) is infinite. The infinite proceeds from the infinite. (Then) taking the infinitude of the infinite (universe), It remains as the infinite (Brahman) alone. Om ! Let there be Peace in me ! Let there be Peace in my environment ! Let there be Peace in the forces that act on me ! CHAPTER – I 1. Hari Om. Brihaspati asked Yajnavalkya: “That which is called Kurukshetra is the place of the sacrifice of the Devas and the spiritual seat of all beings. Therefore where should one go in order that he may cognise Kurukshetra, the place of the sacrifice of the Devas and the spiritual seat of all beings ?” (To which Yajnavalkya replied): “Avimukta is Kurukshetra, the place of the sacrifice of the Devas and of the study of Brahman, because it is there that Rudra initiates one into the Taraka Brahman when Prana (life) goes out. Through this, one becomes immortal and the enjoyer of Moksha. Therefore one should always be in the midst of that place Avimukta and should never leave, O Reverend Sir, Avimukta.” Thus said Yajnavalkya. 2. Then Bharadvaja asked Yajnavalkya: “What is Taraka ? What is that which causes one to cross (this mundane existence)”. To which Yajnavalkya replied: “Om Namo Narayanaya is the Taraka. It should be worshipped as Chidatma. Om is a single syllable and of the nature of Atman. Namah is of two syllables and is of the nature of Prakriti (matter). Narayanaya is of five syllables and is of the nature of Parabrahman. He who knows this becomes immortal. Through ‘Om’, is Brahma produced; through ‘Na’ is Vishnu produced; through ‘Ma’ is Rudra produced; through ‘Na’ is Ishvara produced; through ‘Ra’ is the Anda-Virat (or Virat of the universe) produced; through ‘Ya’ is Purusha produced; through ‘Na’ is Bhagavan (Lord) produced; and through ‘Ya’ is Paramatman produced. This Ashtakshara (eight syllables) of Narayana is the supreme and the highest Purusha. Thus is the Rig-Veda with the first foot (or half). CHAPTER – II That which is Om is the indestructible, the supreme and Brahman. That alone should be worshipped. It is this that is of the eight subtle syllables. And this becomes eight, being of eight forms. ‘A’ is the first letter; ‘U’ is the second; ‘M’ is the third; Bindu is the fourth; Nada is the fifth; Kala is the sixth; Kalatita (that beyond Kala) is the seventh; and that which is beyond these is the eighth. It is called Taraka, because it enables one to cross this mundane existence. Know that Taraka alone is Brahman and it alone should be worshipped”. The (following) verses may be quoted here: 1. “From the letter ‘A’ came Brahma named Jambavan (the bear). From the letter ‘U’ came Upendra, named Hari. 2. From the letter ‘M’ came Shiva, known as Hanuman. Bindu is named Ishvara and is Satrughna, the Lord of the discuss itself. 3. Nada should be known as the great Lord named Bharata and the sound of the conch itself. From Kala came the Purusha himself as Lakshmana and the bearer of the earth. 4. Kalatita is known as the goddess Sita Herself. That which is beyond is the Paramatman named Sri Rama and is the highest Purusha. All this is the explanation of the letter Om, which is the past, the present and future and which is other than these (viz.,) Tattva, Mantra, Varna (colour), Devata (deity), Chhandas (metre), Rik, Kala, Sakti and Srishti (creation). He who knows this becomes immortal. (Thus is) Yajur-Veda with the second foot”. CHAPTER – III Then Bharadvaja asked Yajnavalkya: “Through what Mantra is Paramatman pleased and shows his own Atman (to persons) ? Please tell this”. Yajnavalkya replied: 1. Om. He who is Sri-Paramatman, Narayana and the Lord described by (the letter) ‘A’ and is Jambavan (the bear) and Bhuh, Bhuvah and Suvah; Salutation to Him ! 2. Om. He who is Sri-Paramatman, Narayana and the Lord described by (the letter) ‘U’ and is Upendra (or) Hari and Bhuh, Bhuvah and Suvah; Salutation to Him ! 3. Om. He who is Sri-Paramatman, Narayana and the Lord described by (the letter) ‘M’ and is of the form of Shiva (or) Hanuman and Bhuh, Bhuvah and Suvah; Salutation to Him ! 4. Om. He who is Sri-Paramatman, Narayana, the Lord of Satrughna of the form of Bindu and the Bhuh, Bhuvah and Suvah; Salutation to Him ! 5. Om. He who is Sri-Paramatman, Narayana and the Lord, and is Bharata of the form of Nada and the Bhuh, Bhuvah and Suvah; Salutation to Him ! 6. Om. He who is Sri-Paramatman, Narayana and the Lord, and is Lakshmana of the form of Kala and the Bhuh, Bhuvah and Suvah; Salutation to Him ! 7. Om. He who is Sri-Paramatman, Narayana and the Lord, and is Kalatita, the Goddess Sita, of the form of Chit and the Bhuh, Bhuvah and Suvah; Salutation to Him ! 8. Om. He who is Sri-Paramatman, Narayana and the Lord that is beyond that (Kalatita), is the supreme Purusha and is the ancient Purushottama, the eternal, the immaculate, the enlightened, the emancipated, the true, the highest bliss, the endless, the secondless and the all-full – that Brahman is myself. I am Rama and the Bhuh, Bhuvah and Suvah; Salutation to Him ! He who has mastered this eightfold Mantra is purified by Agni; he is purified by Vayu; he is purified by the sun; he is purified by Shiva; he is known by all the Devas. He attains the fruit of reciting Itihasas, Puranas, Rudra (Mantras), a hundred thousand times. He who repeatedly remembers (or recites) the Ashtakshara (the eight-syllabled Mantra) of Narayana gains the fruit of the recitation of Gayatri a hundred thousand times or of Pranava (Om) a myriad of times. He purifies (his ancestors) ten (degrees) above and (his descendants) ten (degrees) below. He attains the state of Narayana. He who knows this (attains) the state of Narayana). Like the eye (which sees without any obstacle) the things spread (in the sky), the wise ever see this supreme seat of Vishnu. Brahmanas who are spiritually awake praise in diverse ways and illuminate the supreme abode of Vishnu. Thus is the Upanishad. (Thus is) the Sama-Veda with the third foot. Hari Om Tat Sat ! Om ! That (Brahman) is infinite, and this (universe) is infinite. The infinite proceeds from the infinite. (Then) taking the infinitude of the infinite (universe), It remains as the infinite (Brahman) alone. Om ! Let there be Peace in me ! Let there be Peace in my environment ! Let there be Peace in the forces that act on me ! Here ends the Tarasara Upanishad belonging to the Sukla-Yajur-Veda.
yannārāyaṇatārārthasatyajñānasukhākṛti । tripānnārāyaṇākaraṃ tadbrahmaivāsmi kevalam ॥ oṃ pūrṇamadaḥ pūrṇamidaṃ pūrṇātpūrṇamudacyate । pūrṇasya pūrṇamādāya pūrṇamevāvaśiṣyate ॥ oṃ śāntiḥ śāntiḥ śāntiḥ ॥ hariḥ oṃ ॥ bṛhaspatiruvāca yājñavalkyaṃ yadanu kurukṣetraṃ devānāṃ devayajanaṃ sarveṣāṃ bhūtānāṃ brahmasadanaṃ tasmādyatra kvacana gacghchettadeva manyeteti । idaṃ vai kurukṣetraṃ devānāṃ devayajanaṃ sarveṣāṃ bhūtānāṃ brahmasadanam । atra hi jantoḥ prāṇeṣūtkramamāṇeṣu rudrastārakaṃ brahma vyācaṣṭe yenāsāvamṛtībhūtvā mokṣī bhavati । tasmādavimuktameva niṣeveta । avimuktaṃ na vimuñcet । evamevaiṣa bhagavanniti vai yājñavalkyaḥ ॥ 1॥ atha hainaṃ bhāradvājaḥ papraccha yājñavalkyaṃ kiṃ tārakam । kiṃ tārayatīti । sa hovāca yājñavalkyaḥ । oṃ namo nārāyaṇāyeti tārakaṃ cidātmakamityupāsitavyam । omityekākṣaramātmasvarūpam । nama iti dvyakṣaraṃ prakṛtisvarūpam । nārāyaṇāyeti pañcākṣaraṃ paraṃbrahmasvarūpam । iti ya evaṃ veda । so'mṛto bhavati । omiti brahmā bhavati । nakāro viṣṇurbhavati । makāro rudro bhavati । nakāra īśvaro bhavati । rakāro'ṇḍaṃ virāḍ bhavati । yakāraḥ puruṣo bhavati । ṇakāro bhagavānbhavati । yakāraḥ paramātmā bhavati । etadvai nārāyaṇasyāṣṭākṣaraṃ veda paramapuruṣo bhavati । ayamṛgvedaḥ prathamaḥ pādaḥ ॥ 1॥ oṃityetadakṣaraṃ paraṃ brahma । tadevopāsitavyam । etadeva sūkṣmāṣṭākṣaraṃ bhavati । tadetadaṣṭātmako'ṣṭadhā bhavati । akāraḥ prathamākṣaro bhavati । ukāro dvitīyākṣaro bhavati । makārastṛtīyākṣaro bhavati । bindusturīyākṣaro bhavati । nādaḥ pañcamākṣaro bhavati । kalā ṣaṣṭhākṣaro bhavati । kalātītā saptamākṣaro bhavati । tatparaścāṣṭamākṣaro bhavati । tārakattvāttārako bhavati । tadeva tārakaṃ brahma tvaṃ viddhi । tadevopāsitavyam ॥ atraite ślokā bhavanti ॥ akārādabhavadbrahmā jāmbavānitisaṃjñakaḥ । ukārākṣarasaṃbhūta upendro harināyakaḥ ॥ 1॥ makārākṣarasaṃbhūtaḥ śivastu hanumānsmṛtaḥ । bindurīśvarasaṃjñastu śatrughnaścakrarāṭ svayam ॥ 2॥ nādo mahāprabhurjñeyo bharataḥ śaṅkhanāmakaḥ । kalāyāḥ puruṣaḥ sākṣāllakṣmaṇo dharaṇīdharaḥ ॥ 3॥ kalātītā bhagavatī svayaṃ sīteti saṃjñitā । tatparaḥ paramātmā ca śrīrāmaḥ puruṣottamaḥ ॥ 4॥ omityetadakṣaramidaṃ sarvam । tasyopavyākhyānaṃ bhūtaṃ bhavyaṃ bhaviṣyadyaccānyattattvamantravarṇadevatāchando ṛkkalāśaktisṛṣṭyātmakamiti । ya evaṃ veda । yajurvedo dvitīyaḥ pādaḥ ॥ 2॥ atha hainaṃ bhāradvājo yājñavalkyamuvācātha kairmantraiḥ paramātmā prīto bhavati svātmānaṃ darśayati tanno brūhi bhagava iti । sa hovāca yājñavalkyaḥ । oṃ yo ha vai śrīparamātmā nārāyaṇaḥ sa bhagavānakāravācyo jāmbavānbhūrbhuvaḥ suvastasmai vai namonamaḥ ॥ 1॥ oṃ yo ha vai śrīparamātmā nārāyaṇaḥ sa bhagavānukāravācya upendrasvarūpo harināyako bhūrbhuvaḥ suvastasmai vai namonamaḥ ॥ 2॥ oṃ yo ha vai śrīparamātmā nārāyaṇaḥ sa bhagavānmakāravācyaḥ śivasvarūpo hanūmānbhūrbhuvaḥ suvastasmai namonamaḥ ॥ 3॥ oṃ yo ha vai śrīparamātmā nārāyaṇaḥ sa bhagavānbindusvarūpaḥ śatrughno bhūrbhuvaḥ suvastasmai vai namonamaḥ ॥ 4॥ oṃ yo ha vai śrīparamātmā nārāyaṇaḥ sa bhagavānnādasvarūpo bharato bhūrbhuvaḥ suvastasmai vai namonamaḥ ॥ 5॥ oṃ yo ha vai śrīparamātmā nārāyaṇaḥ sa bhagavānkalāsvarūpo lakṣmaṇo bhūrbhuvaḥ suvastasmai vai namonamaḥ ॥ 6॥ oṃ yo ha vai śrīparamātmā nārāyaṇaḥ sa bhagavānkalātītā bhagavatī sītā citsvarūpā bhūrbhuvaḥ suvastasmai vai namonamaḥ ॥ 7॥ yathā prathamamantroktāvādyantau tathā sarvamantreṣu draṣṭavyam । ukāravācya upendrasvarūpo harināyakaḥ 2 makāravācyaḥ śivasvarūpo hanumān 3 bindusvarūpaḥ śatrughnaḥ 4 nādasvarūpo bharataḥ 5 kalāsvarūpo lakṣmaṇaḥ 6 kalātītā bhagavatī sītā citsvarūpā 7 oṃ yo ha vai śrīparamātmā nārāyaṇaḥ sa bhagavāṃstatparaḥ paramapuruṣaḥ purāṇapuruṣottamo nityaśuddhabuddhamuktasatya- paramānantādvayaparipūrṇaḥ paramātmā brahmaivāhaṃ rāmo'smi bhūrbhuvaḥ suvastasmai namonamaḥ ॥ 8॥ etadaṣṭavidhamantraṃ yo'dhīte so'gnipūto bhavati । sa vāyupūto bhavati । sa ādityapūto bhavati । sa sthāṇupūto bhavati । sa sarvairdevairjñāto bhavati । tenetihāsapurāṇānaṃ rudrāṇāṃ śatasahasrāṇi japtāni phalāni bhavanti । śrīmannārāyaṇāṣṭākṣarānusmaraṇena gāyatryāḥ śatasahasraṃ japtaṃ bhavati । praṇavānāmayutaṃ japtaṃ bhavati । daśapūrvāndaśottarānpunāti । nārāyaṇapadamavāpnoti ya evaṃ veda । tadviṣṇoḥ paramaṃ padaṃ sadā paśyanti sūrayaḥ । divīva cakṣurātatam । tadviprāso vipanyavo jāgṛvāṃsaḥ samindhate । viṣṇoryatparamaṃ padam ॥ ityupaniṣat ॥ sāmavedastṛtīyaḥ pādaḥ ॥ 3॥ oṃ pūrṇamadaḥ pūrṇamidaṃ pūrṇātpūrṇamudacyate । pūrṇasya pūrṇamādāya pūrṇamevāvaśiṣyate ॥ oṃ śāntiḥ śāntiḥ śāntiḥ ॥ iti tārasāropaniṣatsamāptā ॥